Jamuna: నా లాంగ్‌ కెరీర్‌కు వాళ్లే కారణం: జమున ఏం చెప్పారంటే?

హీరోయిన్‌ స్టార్‌ హీరోయిన్‌ అవ్వడానికి చాలా టైమ్‌ పడుతుంది. (కొందరు ఓవర్‌నైట్‌ అవుతుంటారు అనుకోండది.) అయితే ఆ స్టార్‌ హీరోయిన్‌ స్టేటస్‌ అనేది ఎక్కువ రోజులు ఉండదు. గట్టిగా పదేళ్లు స్టార్‌ హీరోయిన్‌, ఇంకా చెప్పాలంటే హీరోయిన్‌గా ఓ వెలుగు వెలిగిన హీరోయిన్లను ఇప్పుడు మనం చూడలేం. అయితే ఆ రోజుల్లో జమున లాంటివాళ్లు ఏకంగా 30 ఏళ్లు ఇండస్ట్రీని ఏలారు అంటే నమ్ముతారా? నమ్మడానికి కష్టంగా అనిపించినా ఇది నిజం. ఓ సందర్భంలో జమున ఈ విషయాలను వివరించారు.

ఓసారెప్పుడో కెరీర్‌ గురించి మాట్లాడుతూ.. ఇదంతా మీ ప్రతిభ అని అన్నారట ఓ వ్యక్తి. దానికిఆమె ఇదంతా నా ప్రతిభ అని ఎప్పుడూ అనుకోకూడదు. ఇంత ఉన్నతమైన స్థానానికి వచ్చానంటే కేవలం నా నిర్మాతలు, సహ నటులు, దర్శకులే కారణం. వారితోపాటు నా ప్రతిభ కూడా ఓ కారణం అని వినమ్రంగా చెప్పారట జమున. తన కెరీర్‌ 30 ఏళ్లు విజయవంతంగా సాగడానికి అడుగడుగునా ముందుండి నడిపించిన బీఎన్‌ రెడ్డి, కేవీ రెడ్డి, ఎల్వీ ప్రసాద్‌, ప్రకాశరావు లాంటి మనోహన్నత వ్యక్తులను ఆమె తలచుకుంటూ ఉంటారు.

వారి వల్లే నేను కానీ.. , సావిత్రి, అంజలి లాంటి వాళ్లు మేమంతా 30 ఏళ్లు ఇండస్ట్రీని రూల్‌ చేయగలిగాం అని ఘనంగా చెప్పుకుంటూ ఉంటారు జమున. వాళ్లు ఎక్కడున్నా.. వాళ్లకు ఆ గౌరవం దక్కాలి అని చెబుతుంటారామె. అలాగే సినిమా ఇండస్ట్రీలో ఉండి, బయటివారిని వివాహం చేసుకున్న తొలి వ్యక్తిని నేనే అని చెబుతుంటారామే. అలాగే పెళ్లి అయిన తరువాత సినిమా తారలకు కెరీర్‌ ఉండదని, లావెక్కిపోతారని, గ్లామర్‌ తగ్గిపోతుందని ఒక రూమర్‌ ఉంటుంది కానీ నా విషయంలో అది జరగలేదు అని చెప్పేవారు జమున.

పెళ్లి అయ్యాక కూడా నేను ఇంకా అందంగా, గ్లామర్‌గా ఉన్నాను అంటే.. అది నా అదృష్టం, భగవంతుడి ఆశీస్సులే కారణం అని చెప్పేవారు. మీరు వివాహమయ్యాక కూడా అందంగా ఉన్నారు అంటూ ఆ రోజుల్లో జమున ఇంటికి అభిమానులు లెటర్లు రాసేవారట.

హంట్ సినిమా రివ్యూ & రేటింగ్!
పఠాన్ సినిమా రివ్యూ & రేటింగ్!

సౌందర్య టు శృతి హాసన్.. సంక్రాంతికి రెండేసి సినిమాలతో పలకరించిన హీరోయిన్ల లిస్ట్..!
అతి తక్కువ రోజుల్లో వంద కోట్లు కొల్లగొట్టిన 10 తెలుగు సినిమాలు!