Vetrimaaran: ఇక సినిమాలు మానేస్తారా అనుకుంటే.. ఏడు సినిమాలతో స్ట్రాంగ్‌ లైనప్‌

July 13, 2026 / 06:50 PM ISTByFilmy Focus Desk

Join Us

ఎన్టీఆర్‌ లాంటి టాలీవుడ్‌ స్టార్‌ హీరో.. ఆయనతో సినిమా చేయాలి అని అనుకున్నారు. స్టేజీ మీద వందలాది మంది అభిమానులు, మీడియా ముందే ‘వెట్రిమారన్‌ సర్‌.. నాతో సినిమా చేయండి. తమిళంలో సినిమా చేసి, తెలుగులోకి డబ్బింగ్‌ చేద్దాం’ అని అన్నాడంటే ఆ దర్శకుడు ఎంతటి గొప్పవారో అర్థం చేసుకోవచ్చు. అలాంటి దర్శకుడికి ఆ మధ్య డేట్స్‌ ఇవ్వడానికి స్టార్‌ హీరోలు ముందుకు రాలేదు. వరుస సినిమాలు చేసిన ధనుష్‌ కూడా ఆయనతో సినిమా చేయలేని పరిస్థితి ఏర్పడింది.

Vetrimaaran

అయితే ఫామ్‌ టెంపరరీ, క్లాస్‌ పర్మినంట్‌ అన్నట్లుగా.. వెట్రిమారన్‌ ఎక్కడా వెనకడుగు వేయలేదు. సరైన కథ పట్టుకుని రెండేళ్లు కష్టపడ్డారు. సినిమాలు లేని శింబుతో ఇప్పుడు ఓ సినిమా చేస్తూ, ఆ సినిమా మీద భారీ అంచనాలే ఉన్నాయి. అదే ‘అరసన్‌’. ఈ సినిమా స్టార్ట్ అవ్వడానికి ముందు ఇక వెట్రిమారన్‌ సినిమాలు చేయరా అనే డౌట్ కలిగింది. కానీ ఇప్పుడు చూస్తే ఆయన చేతిలో ఏడు సినిమాలు ఉన్నాయి. అంత స్ట్రాంగ్‌గా ఉంది మరి ఆయన లైనప్‌.

ప్రస్తుతం శింబుతో చేస్తున్న ‘అరసన్‌’ తర్వాత వెట్రిమారన్‌.. సూర్యతో ‘వాడివాసల్‌’ సినిమా చేస్తారని టాక్‌. ఆ తర్వాత ‘వడ చెన్నై’ సీక్వెల్‌ ‘వడ చెన్నై 2’ పనులు షురూ చేయాలని ప్లాన్‌ చేస్తున్నారట. ఆ వెంటనే కెన్‌ కరునాస్‌తో ‘రాజన్‌ వాగైయారా’ అనే సినిమా ఉంటుందని భోగట్టా. ఈ సినిమాలన్నీ అయ్యాక కమల్‌ హాసన్‌ ప్రాజెక్టు ఉంటుందని ఆ మధ్య వార్తలొచ్చాయి. ఇది ముగిశాక ధనుష్‌, ఎన్టీఆర్‌ కాంబినేషన్‌లో ఓ కథ చేస్తారని ఆ మధ్య టాక్‌ నడిచింది.

ఇవన్నీ ఇలా ఉండగా ఇప్పుడు ‘తమిళ మురుగన్‌’ అంటూ ఓ పాన్‌ ఇండియా సినిమాను ధనుష్‌తో అనౌన్స్‌ చేశారు. రెండేళ్ల తర్వాత షూటింగ్‌ మొదలవుతుంది అని చెబుతున్న ఈ సినిమాతో కలిపితే వెట్రిమారన్‌ లైనప్‌ సాలిడ్‌గా ఉంది.