సూపర్ స్టార్ రజినీకాంత్ (Rajinikanth) నటించిన ‘కూలి’ (Coolie) షూటింగ్ దాదాపు పూర్తయింది.ప్రపంచ వ్యాప్తంగా ఆగస్టు 14న ఈ సినిమా రిలీజ్ కానుంది. తమిళ స్టార్ దర్శకుడు లోకేష్ కనగరాజ్ (Lokesh Kanagaraj) దర్శకత్వం వహించిన ఈ సినిమాని ‘సన్ పిక్చర్స్’ సంస్థ నిర్మిస్తుంది. ఇప్పటికే ఈ సినిమా నుండి గ్లింప్స్, చిన్న ప్రోమో , సాంగ్ ప్రోమో వచ్చాయి. అన్నీ మంచి రెస్పాన్స్ ను రాబట్టుకున్నాయి. ఈ సినిమాలో రజినీకాంత్ తో పాటు చాలా మంది స్టార్స్ నటిస్తున్న సంగతి తెలిసిందే.
మరోపక్క ఈ సినిమా పూర్తయిన వెంటనే ‘జైలర్ 2’ సినిమాని మొదలుపెడతాడు రజినీ. పార్ట్ 1 మంచి విజయం సాధించిన సంగతి తెలిసిందే. దీంతో రెండో భాగంపై కూడా అంచనాలు పెరిగాయి. దీంతో దర్శకుడు నెల్సన్ చాలా జాగ్రత్తలు వహిస్తున్నాడు. ముఖ్యంగా మొదటి భాగంలో శివరాజ్ కుమార్(Shiva Rajkumar), మోహన్ లాల్(Mohanlal), జాకీ ష్రాఫ్..ల కేమియోలు బాగా హైలెట్ అయ్యాయి. అందుకే రెండో భాగంలో కూడా కేమియోలు హైలెట్ అయ్యేలా చూసుకుంటున్నాడు.
మోహన్ లాల్, శివరాజ్ కుమార్ కచ్చితంగా సెకండ్ పార్ట్ లో ఉండాలి. ఇప్పుడు బాలకృష్ణ (Nandamuri Balakrishna) కూడా ఓ చిన్న అతిథి పాత్ర చేయబోతున్నట్టు టాక్ నడుస్తుంది. సినిమాలో 10 నిమిషాల పాటు సాగే పాత్ర అది. ఓ ఫైట్ యాక్షన్ సీన్ కూడా ఉంటుందట. మరోపక్క ఈ సినిమాలో నాగార్జున కూడా ముఖ్య పాత్ర పోషిస్తున్నట్లు టాక్ నడుస్తుంది. అయితే బాలయ్య ఉండగా.. నాగార్జున (Nagarjuna) చేస్తాడా? అనేది మిలియన్ డాలర్ల ప్రశ్న.
ఆ విషయాలు పక్కన పెట్టేస్తే.. ‘జైలర్ 2’ రజినీకాంత్ సరసన విద్యా బాలన్(Vidya Balan) కూడా నటిస్తుందట. మొదటి భాగంలో రజినీకాంత్ కి భార్యగా రమ్యకృష్ణ (Ramya Krishnan) నటించారు. మరి సెకండ్ పార్ట్ లో విద్యా బాలన్ ఎలా హీరోయిన్ గా నటిస్తుంది. మొదటి భాగంలో ఫ్లాష్ బ్యాక్ ఎపిసోడ్ ఉన్నట్టు చూపించారు. జైలర్ గా పనిచేసే రోజుల్లో రజినీకాంత్ లవ్ స్టోరీలో భాగంగా విద్యా బాలన్ కనిపిస్తుందేమో చూడాలి.
