మెగాస్టార్ చిరంజీవి (Chiranjeevi) నటించిన ‘విశ్వంభర’ (Vishwambhara) షూటింగ్ ఆల్మోస్ట్ కంప్లీట్ అయ్యింది. సంక్రాంతికే రిలీజ్ కావాల్సిన ఈ సినిమా అనేక సార్లు వాయిదా పడుతూ వచ్చింది. గ్లింప్స్ కి నెగిటివ్ రెస్పాన్స్ రావడంతో టీం అలర్ట్ అయ్యింది. ముఖ్యంగా వి.ఎఫ్.ఎక్స్ వర్క్ చాలా దారుణంగా ఉందని అంతా విమర్శించారు. అందుకే రీ షూట్లు వంటివి చేస్తూ.. కాలం గడుపుతున్నారు. అయితే ఇలా ఎంత కాలం అని ప్రోడక్ట్ ను దాస్తారు అనేది అర్థం కాని ప్రశ్న.
దీనికి మరో కారణం కూడా ఉందని అంటున్నారు. ‘విశ్వంభర’ నాన్ థియేట్రికల్ రైట్స్ ఇంకా కంప్లీట్ అవ్వలేదు. మేకర్స్ చాలా ఎక్కువ రేట్లు ఆశించడం వల్ల.. ఓటీటీ సంస్థలు ఆలోచనలో పడినట్లు తెలుస్తుంది. మరోపక్క ఈ సినిమా రిలీజ్ డేట్ కూడా ఇంకా ప్రకటించింది లేదు. జూలై 24న రిలీజ్ అన్నారు. కానీ ఆ డేట్ కి వేరే సినిమా వచ్చే అవకాశాలు ఎక్కువగా కనిపిస్తున్నాయి.
ఆగస్టులో ఇప్పటికే చాలా సినిమాలు అనౌన్స్ చేశారు. ఆగస్టు 20,22 డేట్లలో రావడం తప్ప ‘విశ్వంభర’ కి వేరే ఆప్షన్ లేదు. సెప్టెంబర్ లో ‘మిరాయ్’ (Mirai) ‘ఓజి’ (OG Movie) వంటి పాన్ ఇండియా సినిమాలు అనౌన్స్ చేశారు. అది మిస్ అయితే డిసెంబర్ తప్ప ‘విశ్వంభర’ కి ఇంకో ఆప్షన్ ఉండదు.
మరోపక్క అనిల్ రావిపూడి (Anil Ravipudi) దర్శకత్వంలో చిరంజీవి చేస్తున్న సినిమా 2026 సంక్రాంతికి కచ్చితంగా వచ్చేసే అవకాశాలు ఉన్నాయి. కనీసం ‘విశ్వంభర’ టీం రిలీజ్ డేట్, టీజర్ వంటివి ప్రకటిస్తే తప్ప.. దీనికి బజ్ ఏర్పడటం కష్టంగానే ఉంది. ఓ రకంగా ఇది టీం నిర్లక్ష్యం అనుకోవాలో.. నమ్మకం అనుకోవాలో.. క్లారిటీ లేక అభిమానులు కూడా కన్ఫ్యూజ్ అవుతున్నారు.
Home