ఆ కారణంగానే ఇప్పటికి 20 కేజీల బరువు తగ్గాను : విద్యుల్లేఖ

September 9, 2020 / 05:31 PM ISTByFilmy Focus

Join Us

ఆ కారణంగానే ఇప్పటికి 20 కేజీల బరువు తగ్గాను : విద్యుల్లేఖ

ఈ లాక్ డౌన్ టైములో అందరూ ఇళ్లల్లోనే ఉండడంతో సహజంగానే బరువు పెరిగారు. అయితే లేడీ కమెడియన్ గా రాణిస్తున్న విద్యుల్లేఖ రామన్.. మాత్రం ఈ లాక్‌డౌన్‌ టైంలోనే ఎన్నో వర్కౌట్లు చేసి బరువు తగ్గింది. ఆమె పట్టుదల చూసి అందరూ ఆశ్చర్యపోయారు. అయితే ఇంత సడెన్ గా బరువు తగ్గాలి అని ఎందుకు అనుకున్నారు అని ఆమెనే అడిగితే ఆసక్తికరమైన సమాధానాన్ని చెప్పుకొచ్చింది. ఆమె ఈ విషయం పై స్పందిస్తూ….. ‘86.5 కేజీలు ఉండే నేను ఇప్పుడు 65.2 కేజీలకు వచ్చాను.దాదాపు 20 కేజీలు పైనే తగ్గాను.

చెప్పాలంటే ఇది చాలా ఎమోషనల్ అండ్ మోటివేషనల్ జర్నీ అని చెప్పొచ్చు. నేను పోస్ట్ చేసిన ఫొటోల్లో ఎడమవైపు ఉన్న పిక్ తీసుకున్న రోజును నేను ఎప్పటికీ మరిచిపోలేను. ఆ రోజు ఓ తమిళ సినిమా ఆడియో ఫంక్షన్ కు వెళ్లడానికి నాకు సరిపోయే దుస్తులు కోసం వెతుకుతున్నాను. కానీ నాకు సెట్ అయ్యే డ్రెస్ దొరకలేదు. అందుకే లెగ్గిన్‌ వేసుకుని..నా బరువుని కవర్ చెయ్యడానికి పైన కోటులాంటిది ఒకటి వేసుకుని వెళ్ళాను. అయితే ఆ రోజున నేను మెంటల్ గా చాలా డిస్టర్బ్ అయ్యాను.

Vidyu Raman emotional post goes viral1

నాపై నాకు చాలా కోపం వచ్చింది. ‘అయితే బాధ ఎందుకు.. అసలు నేను సన్నగా ఎందుకు ఉండాలి. అంత అవసరం ఏముంది.. మనకు అవసరం లేదు.. రాదు’ అని సర్దిచెప్పుకున్నాను. అయితే 2019 ఫిబ్రవరిలో కొన్ని పరిస్థితుల వల్ల ‘నేను కూడా ఆరోగ్యంగా, ఫిట్‌గా ఉండాలి’ అని మోటివేట్ చేసుకున్నాను. ఏం చేసినా మన సంతోషం కోసమే చెయ్యాలి అనిపించింది.అందుకే నాకు నచ్చినట్టుగా నన్ను తయారు చేసుకున్నాను. ఇక ఆగస్టు 26న విద్యుల్లేఖ రోకా(నార్త్ స్టైల్) వేడుక జరిగిన సంగతి తెలిసిందే. త్వరలోనే ఈమె పెళ్ళి చేసుకోవడానికి కూడా రెడీ అవుతుంది.