Nayanatara Kids: బర్త్‌డే ట్రీట్‌ అదిరిపోయింది..నయనతార – విక్కీ ట్విన్‌ సన్స్‌ కొత్త ఫొటోలు వైరల్‌… చూశారా?

September 27, 2023 / 01:51 PM ISTByFilmy Focus

Join Us

Nayanatara Kids: బర్త్‌డే ట్రీట్‌ అదిరిపోయింది..నయనతార – విక్కీ ట్విన్‌ సన్స్‌ కొత్త ఫొటోలు వైరల్‌… చూశారా?

పిల్లల్ని ఇన్నాళ్లు దాస్తూ వచ్చిన నయనతార, విఘ్నేష్‌ శివన్‌ ఇప్పుడిప్పుడే చూపించడం ప్రారంభించారు. మొన్నీమధ్య నయనతార ఇన్‌స్టాగ్రామ్‌ ఖాతా తెరిచినప్పుడు పిల్లలతో ఓ వీడియో పెట్టి ఎంట్రీ ఇచ్చింది. ఆ ముందు కూడా టీజర్‌లాగా కొన్ని ఫొటోలు వదిలారు. అయితే ఇప్పుడు ఆ ట్విన్‌ సన్స్‌ పుట్టిన రోజు సందర్భంగా విక్కీ అలియాస్‌ విఘ్నేష్‌ శివన్‌ స్పెషల్‌ పిక్స్‌ కొన్ని షేర్‌ చేశారు. పిల్లలను చూపిస్తూ… భార్యాభర్తల మధ్య ఉన్న ప్రేమను చూపించేలా కొన్ని ఫొటోలు పెట్టారు. ఇప్పుడవి సోషల్‌ మీడియాలో వైరల్‌ అవుతున్నాయి.

నయనతార (Nayanatara) – విఘ్నేశ్‌ శివ కొన్ని నెలల క్రితం సరోగసీ ద్వారా ఇద్దరు మగ పిల్లలను జన్మనిచ్చిన విషయం తెలిసిందే. వాళ్లకు ఉయిర్‌, ఉలగ్‌ అని పేర్లు పెట్టారు. సెప్టెంబరు 26న వాళ్ల తొలి పుట్టిన రోజు సందర్భంగా స్పెషల్‌ ఫ్యామిలీ పిక్స్‌ షేర్ చేశారు. ఆ ఫొటోలు షేర్‌ చేస్తూ ‘ఎన్‌ ముగం కొండ, ఎన్‌ ఉయిర్‌. ఎన్‌ గుణం కొండ, ఎన్‌ ఉలగ్‌’ అని రాసుకొచ్చాడు. నా ప్రియమైన తనయులతో దిగిన ఫొటోలను మీతో షేర్‌ చేసుకోవడానికి చాలా కాలం నుండి ఎదురు చూస్తున్నాను అని కూడా రాసుకొచ్చారు విక్కీ.

ఆ సందేశంతోపాటు ‘హ్యాపీ బర్త్‌డే ఉయిర్‌ రుద్రో నీల్‌, ఉలగ్‌ దైవిక్‌’ అంటూ విషెష్‌ చెప్పారు. మీకు మా జీవితంలోకి వచ్చినందుకు చాలా ఆనందంగా ఉంది అంటూ తమ సంతోషాన్ని వ్యక్తం చేశారు. అందరి దీవెనలను, సానుకూల దృక్ఫథాన్ని మీరు మా జీవితంలోకి తీసుకొచ్చారు. గడిచిన ఏడాది మా జీవితం నిండా ఎన్నో మధురానుభూతులు చోటు చేసుకున్నాయి. వాటిని జీవితాంతం గుర్తుపెట్టుకునేలా చేశారు. మీరే మా జీవితం, మీరు మాకు దక్కిన వరం అంటూ ఎమోషనల్‌గా రాసుకొచ్చారు విక్కీ.

ఆ ఫొటోల్లో ఉలగ్‌, ఉయుర్‌ బ్లాక్‌ అండ్‌ వైట్‌ దుస్తుల్లో మెరిసిపోతున్నారు. వాళ్ల క్యూట్‌నెస్‌కు సోషల్‌ మీడియా షేక్‌ అవుతోంది. అలా మరో పిక్‌లో నయన్‌ నుదురు మీద విక్కీ ప్రేమగా చుంబిస్తుండటం చూడొచ్చు. అయితే ఈ పొటోలు అన్నీ ఒకసారి తీసినవి కావు. ఈ ఏడాది కాలంలో తీసిన స్పెషల్‌ ఫొటోలను ఇప్పుడు షేర్‌ చేశారు.