Vignesh Shivan: గోల్డెన్ ఛాన్స్ మిస్ చేసుకున్న విగ్నేష్ శివన్..!

విగ్నేష్ శివన్ తెలుగు ప్రేక్షకులకు ఎక్కువగా నయనతార భర్తగానే తెలుసు. ఇంకొంతమందికి సూర్యతో ‘గ్యాంగ్’ అనే సినిమా తీసిన దర్శకుడిగా తెలుసు. అంతకు మించి విగ్నేష్ గురించి తెలియకపోయినా ఆశ్చర్యపోనవసరం లేదు. నయన్ పై ఉన్న అభిమానంతో ఇతను సినిమాల్లోకి వచ్చాడు. పాటల రచయితగా కెరీర్ ను మొదలుపెట్టాడు. అటు తర్వాత మ్యూజిక్ డైరెక్టర్ గా కూడా మారి పలు ప్రైవేట్ ఆల్బమ్స్ చేశాడు. తర్వాత నయనతారను బుట్టలో పడేసి దర్శకుడిగా మారాడు.

నయనతార ఫేడౌట్ అయిపోయింది అనుకున్న టైంలో ఆమె లైఫ్ స్టైల్ ను మొత్తం మార్చేసింది విగ్నేష్ శివన్ అనే చెప్పాలి. కానీ ఇతను డైరెక్ట్ చేసిన 5 సినిమాల్లో పెద్ద సక్సెస్ చూసినవి అంటూ ఏమీ లేవు. అలాంటి ఇతనికి స్టార్ హీరో అజిత్ ఛాన్స్ ఇచ్చాడు. వీరి కాంబోలో సినిమా రాబోతున్నట్లు అధికారిక ప్రకటన కూడా వచ్చింది. అజిత్ 62వ సినిమాగా ఈ ప్రాజెక్టు సెట్స్ పైకి వెళ్లాల్సి ఉంది.

4 నెలలుగా ఈ ప్రాజెక్టు కోసం స్క్రిప్ట్ పనుల్లో బిజీగా గడిపాడు విగ్నేష్ శివన్. ఇటీవల అతను ఫైనల్ వెర్షన్ ను నెరేట్ చేయగా అజిత్.. సంతృప్తి చెందలేదట. అజిత్ ఇమేజ్ కు ఏమాత్రం.. మ్యాచ్ అయ్యేలా ఆ కథ లేదట. దీంతో అజిత్ ఈ విగ్నేష్ కథను పక్కన పెట్టినట్లు కోలీవుడ్ మీడియా వర్గాల సమాచారం. అంతేకాదు.. వేరే దర్శకులు తెచ్చే కథలు వినడానికి కూడా అజిత్ ఇంట్రెస్ట్ చూపిస్తున్నాడట. దీంతో అజిత్ – విగ్నేష్ ల మూవీ ఉండకపోవచ్చని అజిత్ టీం బలంగా చెబుతుంది.

హంట్ సినిమా రివ్యూ & రేటింగ్!
పఠాన్ సినిమా రివ్యూ & రేటింగ్!

సౌందర్య టు శృతి హాసన్.. సంక్రాంతికి రెండేసి సినిమాలతో పలకరించిన హీరోయిన్ల లిస్ట్..!
అతి తక్కువ రోజుల్లో వంద కోట్లు కొల్లగొట్టిన 10 తెలుగు సినిమాలు!