విజయ్ ఆంటోనీ తెలుగు ప్రేక్షకులకు సుపరిచితమే. ‘నకిలీ’ ‘డాక్టర్ సలీం’ వంటి చిత్రాలతో తెలుగు ప్రేక్షకులకు దగ్గరయ్యాడు. ‘బిచ్చగాడు’ చిత్రంతో ఇతను సూపర్ క్రేజ్ ను సొంతం చేసుకున్నాడు. కానీ తర్వాత చేసిన సినిమాలతో ఆ క్రేజ్ ను కంటిన్యూ చేయలేకపోయాడు. అయితే నటుడిగా కంటే ముందు తెలుగులో ఇతను మ్యూజిక్ డైరెక్టర్ గా కూడా పనిచేశాడు. కృష్ణవంశీ దర్శకత్వంలో శ్రీకాంత్ హీరోగా నటించిన ‘మహాత్మ’ చిత్రానికి ఇతనే సంగీత దర్శకుడు.
అటు తర్వాత రవితేజ హీరోగా ‘సిరుతై’ శివ దర్శకత్వంలో తెరకెక్కిన ‘దరువు’ చిత్రానికి కూడా ఇతను సంగీతం అందించాడు. ఈ రెండు సినిమాల్లోని పాటలు చాలా బాగుంటాయి. ఈ సినిమాల్లోని పాటలను సోషల్ మీడియా భాషలో అండర్రేటెడ్ అనొచ్చు.అలాగే ఇతను నటించిన సినిమాలకు ఎడిటర్ గా కూడా పనిచేసాడు. ప్రస్తుతం విజయ్ ఆంటోనీ నటుడిగానే కొనసాగుతున్నాడు. సినిమాలు హిట్ అయినా అవ్వకపోయినా మేకింగ్ వల్ల నిర్మాతలు నష్టపోకుండా ఇతను సినిమాలు రూపొందుతాయి.
సరే ఈ విషయాలను పక్కన పెట్టేస్తే.. ఇతని ప్రేమ, పెళ్లి కహాని చాలా విడ్డూరంగా అనిపిస్తుంది. ఓ సినిమా ప్రమోషన్లో భాగంగా తనని ఇంటర్వ్యూ చేయడానికి వచ్చిన జర్నలిస్ట్ తో ఇతను ప్రేమలో పడ్డాడు. కొన్నాళ్ళకు ఆమెనే పెళ్లి చేసుకున్నాడు. ఆ జర్నలిస్ట్ పేరు ఫాతిమా. 2006 లో వీరి వివాహం జరిగింది. ఈ దంపతులకు లారా అనే కూతురు కూడా ఉంది.
తమిళనాడులోని నాగర్ కోల్ అనే ఊరిలో పుట్టిన విజయ్.. తన 7 ఏళ్ల వయసులోనే తన తండ్రిని పోగొట్టుకున్నాడు. అప్పటినుండీ కుటుంబ భారం ఇతని పై పడడంతో ఎంతో కష్టపడి ఈ స్థాయికి వచ్చాడు. ప్రస్తుతం తన ఫ్యామిలీ లైఫ్ ను హ్యాపీగా ఎంజాయ్ చేస్తున్నాడు విజయ్.
Most Recommended Video
శాకిని డాకిని సినిమా రివ్యూ & రేటింగ్!
నేను మీకు బాగా కావాల్సినవాడిని సినిమా రివ్యూ & రేటింగ్!
‘బిగ్ బాస్ 6’ కంటెస్టెంట్ గీతు రాయల్ గురించి ఆసక్తికర విషయాలు..!
