Dil Raju, Vijay Devarakonda: రౌడీ హీరోతో దిల్ రాజు.. మరో క్రేజీ కాంబోకి రంగం సిద్ధం!

October 21, 2021 / 04:48 PM ISTByFilmy Focus

Join Us

Dil Raju, Vijay Devarakonda: రౌడీ హీరోతో దిల్ రాజు.. మరో క్రేజీ కాంబోకి రంగం సిద్ధం!

టాలీవుడ్ సెన్సేషనల్ హీరో విజయ్ దేవరకొండ ప్రస్తుతం పూరి జగన్నాథ్ దర్శకత్వంలో ‘లైగర్’ అనే సినిమాలో నటిస్తున్నారు. పాన్ ఇండియా నేపథ్యంలో తెరకెక్కుతోన్న ఈ సినిమాపై ప్రేక్షకుల్లో భారీ అంచనాలు నెలకొన్నాయి. ఈ సినిమాలో మైక్ టైసన్ కూడా నటిస్తుండడం విశేషం. త్వరలోనే ఈ సినిమా ప్రేక్షకుల ముందుకు రానుంది. ఇదిలా ఉండగా.. విజయ్ దేవరకొండ తన తదుపరి సినిమా ఎవరితో చేయబోతున్నారనే విషయంలో క్లారిటీ వచ్చింది.

తాజాగా ‘రౌడీ బాయ్స్’ సినిమా సాంగ్ లాంచ్ కి గెస్ట్ గా వెళ్లారు విజయ్ దేవరకొండ. ఈ సినిమాతో దిల్ రాజు మేనల్లుడు ఆశిష్ హీరోగా పరిచయం కానున్నారు. ఈ సినిమా సాంగ్ లాంచ్ లో విజయ్ దేవరకొండ కొన్ని ఆసక్తికర విషయాలను వెల్లడించారు. దిల్ రాజు బ్యానర్ లో మైండ్ బ్లోయింగ్ కంటెంట్ తో ఓ సినిమా చేయబోతున్నట్లు వెల్లడించారు విజయ్ దేవరకొండ. త్వరలోనే ఈ ప్రాజెక్ట్ ను అఫీషియల్ గా అనౌన్స్ చేయబోతున్నారు.

అయితే డైరెక్టర్ ఎవరనే విషయాన్ని మాత్రం చెప్పలేదు. నిర్మాతగా దిల్ రాజు వరుస సినిమాలను లైన్ లో పెడుతున్నారు. ఇప్పటికే రామ్ చరణ్-శంకర్ కాంబినేషన్ లో ఓ సినిమా, అలానే వంశీ పైడిపల్లి-విజయ్ కాంబినేషన్ లో మరో సినిమా సెట్ చేశారు. ఇవన్నీ కూడా క్రేజీ కాంబినేషన్స్ అనే చెప్పాలి. ఇప్పుడు విజయ్ దేవరకొండతో మరో భారీ ప్రాజెక్ట్ ప్లాన్ చేస్తున్నారు. మరి దీనికి డైరెక్టర్ గా ఎవరిని ఫైనల్ చేస్తారో చూడాలి!