Vijay Devarakonda: విజయ్ దేవరకొండ సీక్వెల్ ఏ సినిమాకో తెలుసా..!

సూపర్ హిట్ సినిమాలకు సీక్వెల్స్ తెరకెక్కించడం, పాపులర్ పర్సనాలిటీస్ బయోపిక్స్ రూపొందించడం అనేది సినిమా ఇండస్ట్రీలో సాదారణంగా జరుగుతుంటుంది. వాటిపై ప్రేక్షకాభిమానుల్లో మంచి బజ్ కూడా ఏర్పడుతుంది. ఇప్పటివరకు వచ్చిన సీక్వెల్స్, బయోపిక్స్ చాలా వరకు సక్సెస్ అయ్యాయి. ప్రస్తుతం మరికొన్ని సెట్స్ మీద, చర్చల దశలోనూ ఉన్నాయి. ఇప్పుడు ఓ సూపర్ హిట్ ఫిలిం సీక్వెల్ కోసం మేకర్స్ ప్రయత్నాలు చేస్తున్నారనే వార్త ఫిలిం వర్గాల్లో వైరల్ అవుతోంది.

వివరాల్లోకి వెళ్తే.. ‘అర్జున్ రెడ్డి’ తో ఓవర్ నైట్ స్టార్ అయిపోయిన రౌడీ హీరో విజయ్ దేవరకొండ తర్వాత ‘గీత గోవిందం’ తో సాలిడ్ బ్లాక్ బస్టర్ అందుకున్నాడు. పరశురామ్ (బుజ్జి) దర్శకత్వంలో.. ఏస్ ప్రొడ్యూసర్ అల్లు అరవింద్ సమర్పణలో, జీఏ2 పిక్చర్స్ బ్యానర్ మీద బన్నీ వాసు ఈ చిత్రాన్ని నిర్మించారు. 2018 ఆగస్టు 15న ‘గీత గోవిందం’ ప్రేక్షకుల ముందుకు వచ్చింది. ప్రీమియర్స్ నుండే పాజిటివ్ టాక్ దక్కించుకుంది. యూత్, విజయ్ ఫ్యాన్స్‌తో పాటు ఫ్యామిలీ ఆడియన్స్‌కి చాలా బాగా నచ్చింది సినిమా.

బాక్సాఫీస్ బరిలో కలెక్షన్ల సునామీ సృష్టించింది. ఆ ఏడాది రూ.100 కోట్లు కలెక్ట్ చేసిన మూవీగా రికార్డ్ సెట్ చేసింది. దాదాపు చాలా రోజుల తర్వాత 100 రోజుల పోస్టర్ పడింది ఈ సినిమాకే కావడం విశేషం. విజయ్, రష్మికల కెమిస్ట్రీ యువతకు విపరీతంగా నచ్చేసింది. ఇక గోపి సుందర్ సాంగ్స్ అయితే చార్ట్ బస్టర్‌గా నిలిచాయి, కథ, కథనాలు అలరించడంతో ఘన విజయాన్ని సాధించిన ‘గీత గోవిందం’ కి సీక్వెల్ చేసే ప్రయత్నాలు ప్రారంభించాడట డైరెక్టర్ పరశురామ్.

అదే బ్యానర్‌లో, మరింత భారీగా.. ఊహించని మలుపులతో తెరకెక్కించనున్నారని తెలుస్తోంది. హీరో హీరోయిన్లుగా విజయ్, రష్మిక మందన్ననే ఉండబోతున్నారని.. దాదాపు ‘గీత గోవిందం’ కి వర్క్ చేసిన కాస్ట్ అండ్ క్రూ ఈ సీక్వెల్‌కి కూడా పని చెయ్యబోతున్నారని కూడా అంటున్నారు. ఈ సూపర్ హిట్ సీక్వెల్ గురించి త్వరలో అధికారిక ప్రకటన రానుందని సమాచారం.

2008 లోనే హనీ రోజ్ చేసిన తెలుగు సినిమా ఏదో తెలుసా ??
నటి శృతి హాసన్ పాడిన 10 పాటలు ఇవే!

షారుఖ్-సల్మాన్ కలిసొచ్చినా… బాహుబలి, ఆర్ఆర్ఆర్, కెజిఫ్ లను కొట్టలేకపోయారు!
కాంబినేషన్ మాత్రం క్రేజీ – కానీ అంచనాలు మించే సినిమాలు అవుతాయి అంటారా?