విజయ్ దేవరకొండ సినిమా ఆగిపోవడానికి కారణం ఏమిటి ?

స్టార్ డైరక్టర్స్ సైతం సినిమా చేయాలనుకుంటున్న హీరోల్లో విజయ్ దేవరకొండ ఒకరు. పెళ్లిచూపులు సినిమా హీరోగా పరిచయమైన ఇతను.. సందీప్ రెడ్డి వంగా దర్శకత్వంలో వచ్చిన అర్జున్ రెడ్డి మూవీతో స్టార్ హీరో అయిపోయారు. పరుశురామ్ దర్శకత్వంలో నటించిన గీత గోవిందం కూడా బ్లాక్ బస్టర్ హిట్ అయింది. ఈ సినిమాతో విజయ్ రేంజ్ మారిపోయింది. అందుకే అతనికోసం డైరక్టర్స్ క్యూలో ఉన్నారు. వారిలో కొరటాల, త్రివిక్రమ్ ఉండడం విశేషం. విజయ్ తాజాగా ఆనంద్ శంకర్ దర్శకత్వంలో చేసిన “నోటా” ఫలితం తారుమారు కావడంతో అతనితో సినిమాలు తీయాలన్న దర్శకనిర్మాతల ఆలోచనల్లో మార్పు వచ్చిందని ఫిలిం నగర్ వాసులు చెబుతున్నారు. ప్రముఖ నిర్మాత అల్లు అరవింద్.. విజయ్ క్రేజ్ చూసి అతనితోనే రెండు సినిమాలకు ఒప్పందం చేసుకున్నాడు.

ప్రముఖ దర్శకుడు త్రివిక్రమ్ తో ఓ సినిమా చేయాలనుకున్నారు. అందుకోసం దర్శకురాలు నందిని రెడ్డి ఓ కథను కూడా రెడీ చేసింది. ఆ కథ త్రివిక్రమ్ కి చెబితే .. అతను కొన్ని సలహాలు ఇచ్చారు. ఆమె ఈ కథని సిద్ధం చేసే బిజీలో ఉండగానే.. ఆ ప్రాజెక్ట్ ఆగిపోయిందని సమాచారం. ఆగిపోవడానికి సరైన కారణం తెలియదు గానీ త్రివిక్రమ్ బిజీగా ఉండడం వల్ల ఆగిపోయిందని చెబుతున్నారు. విజయ్ క్రేజ్ తగ్గిపోవడమే అసలు కారణమని వార్తలు వినిపిస్తున్నాయి. ఏది నిజమో త్వరలోనే తెలియనుంది.