అల్లు అర్జున్ రిజెక్ట్ చేయడం వల్లే.. విజయ్ దేవరకొండ తో చేస్తున్నాడట…!

ఈ మధ్య కాలంలో అల్లు అర్జున్ రిజెక్ట్ చేసిన ప్రాజెక్ట్ లు విజయ్ దేవరకొండ వద్దకు వెళ్తున్నాయి అని కొంతమంది ఫిలింనగర్ విశ్లేషకులు చెప్పుకొస్తున్నారు. వారి సమాచారం ప్రకారం మొదట ‘అర్జున్ రెడ్డి’ కథ బన్నీ వద్దకే వెళ్ళిందట. బన్నీ రిజెక్ట్ చేయడంతో అది విజయ్ దేవరకొండతో చేసాడు సందీప్ రెడ్డి వంగా. తరువాత ‘గీత గోవిందం’ విషయంలో కూడా సేమ్ సీన్ రిపీట్ అయ్యింది. అది కూడా దర్శకుడు పరశురామ్ మొదట బన్నీకే వినిపించాడు.

చివరికి విజయ్ దేవరకొండ వద్దకు వెళ్ళింది. ఇప్పుడు విజయ్ దేవరకొండ… డాషింగ్ డైరెక్టర్ పూరి జగన్నాథ్ తో చేస్తున్న పాన్ ఇండియా చిత్రం ‘ఫైటర్’ (వర్కింగ్ టైటిల్) కథ కూడా మొదట అల్లు అర్జున్ వద్దకే వెళ్ళిందట. అయితే బన్నీ వరుసగా రెండు ప్రాజెక్ట్ లతో లాక్ అవ్వడంతో … ఈ ప్రాజెక్ట్ కు గ్రీన్ సిగ్నల్ ఇవ్వలేదని తెలుస్తుంది. దీంతో విజయ్ దేవరకొండ వద్దకు వెళ్ళాడు పూరి. మొదట విజయ్ కూడా ఈ కథ పై ఇంట్రెస్ట్ చూపలేదట.

తరువాత పూరి కథలో కొన్ని మార్పులు చేసి.. వినిపిస్తే ఓకే చెప్పాడట. అలా బన్నీ రిజెక్ట్ చేసిన ప్రాజెక్ట్ మళ్ళీ విజయ్ చేస్తున్నాడు. అయితే బన్నీ రిజెక్ట్ చేసినప్పటికీ ‘అర్జున్ రెడ్డి’ ‘గీత గోవిందం’ చిత్రాలు బ్లాక్ బస్టర్ లు అయ్యాయి. ఇప్పుడు ‘ఫైటర్’ విషయంలో కూడా అదే సెంటిమెంట్ రిపీట్ అవుతుందేమో చూడాలి. ఇక ‘ఫైటర్’ ను ఛార్మీ తో పాటు బాలీవుడ్ సక్సెస్ ఫుల్ ప్రొడ్యూసర్ కరణ్ జోహార్ కూడా కలిసి నిర్మిస్తున్న సంగతి తెలిసిందే.

Most Recommended Video

తండ్రికి తగ్గ తనయలు అనిపిస్తున్న డైరెక్టర్స్ కూతుళ్లు!
నిర్మాతలుగా కూడా సత్తా చాటుతున్న టాలీవుడ్ హీరోలు!
టాలీవుడ్ టాప్ హీరోల వరస్ట్ లుక్స్ ఇవే!