టాలీవుడ్ యువ హీరో విజయ్ దేవరకొండకు సోషల్ మీడియాలో భారీ అభిమానుల ఫాలోయింగ్ ను కలిగి ఉన్నాడనేది అందరికి తెలిసిన విషయమే. గత కొంతకాలంగా ఈ నటుడికి దేశవ్యాప్తంగా అభిమానులు సంఖ్య అంతకంతకు పెరుగుతూనే ఉంది. ఇక రీసెంట్ గా విజయ్ ఫేస్ బుక్ లో మరో సరికొత్త రికార్డును అందుకున్నాడు. విజయ్ యొక్క అధికారిక ఫేస్ బుక్ పేజీకి ఇప్పుడు 10 మిలియన్లకు పైగా ఫాలోవర్లు ఉన్నారు. టాలీవుడ్లో అత్యధికంగా ఫాలోవర్స్ ఉన్న హీరోలలో విజయ్ ఒకరు.
ఈరికార్డును అందుకున్న తరుణంలో విజయ్ అభిమానులు సోషల్ మీడియాలో #10MRowdiesOnFB అనే హ్యాష్‌ట్యాగ్‌ను ప్రముఖంగా ట్రెండ్ చేస్తున్నారు. ఇన్‌స్టాగ్రామ్‌లో విజయ్‌కు 12.5 మిలియన్లకు పైగా ఫాలోవర్లు ఉన్నారు. ఇది సౌత్ హీరోలలో అత్యధికం. ఇక ట్విట్టర్‌లో మరో 2.53 మిలియన్ల మంది ఫాలోవర్లు ఉన్నారు. ఇక ప్రస్తుతం విజయ్ లైగర్ సినిమాతో బిజీగా ఉన్న విషయం తెలిసిందే. పూరి జగన్నాథ్ దర్శకత్వంలో తెరకెక్కుతున్న ఆ సినిమాలో విజయ్ బాక్సార్ గా కనిపించనున్నాడు.
ఇటీవల సినిమాలోని కొన్ని సీన్స్ చూసిన ఆర్జీవి తనదైన శైలిలో రివ్యూ కూడా ఇచ్చాడు. ఇక ఫస్ట్ హాఫ్ లో నేషనల్ వైడ్ బాక్సర్ గా కనిపించనున్న విజయ్ సెకండ్ హాఫ్ లో ఇంటర్నేషనల్ లెవెల్ బాక్సర్ గా కనిపిస్తాడట. మరి సినిమా పాన్ ఇండియా బాక్సాఫీస్ వద్ద ఎలాంటి విజయాన్ని అందుకుంటుందో చూడాలి.
Most Recommended Video
పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్
Home