Vijay Deverakonda: మరోసారి విజయ్ ను అర్జున్ రెడ్డిలా చూడబోతున్నామట.. కానీ?

స్టార్ హీరో విజయ్ దేవరకొండ (Vijay Deverakonda) సినీ కెరీర్ లో అర్జున్ రెడ్డి సినిమా ప్రత్యేకం అనే సంగతి తెలిసిందే. అర్జున్ రెడ్డి (Arjun Reddy) సినిమా బాక్సాఫీస్ వద్ద సంచలన విజయం సాధించడంతో పాటు విజయ్ దేవరకొండ ఇమేజ్ ను మార్చేసిందనే సంగతి తెలిసిందే. ఈ సినిమా దర్శకుడు సందీప్ రెడ్డి వంగా (Sandeep Reddy Vanga) వరుస విజయాలతో దేశంలోని టాప్ డైరెక్టర్లలో ఒకరిగా ఉన్నారు. విజయ్ రాహుల్ (Rahul Sankrityan) కాంబోలో తెరకెక్కిన ట్యాక్సీవాలా (Taxiwaala) సినిమా బాక్సాఫీస్ వద్ద సక్సెస్ సాధించింది.

విజయ్ రాహుల్ సాంకృత్యాన్ కాంబో కొత్త మూవీ స్టోరీ లైన్ ఇదేనంటూ సోషల్ మీడియాలో ఈ సినిమా స్టోరీ లైన్ వైరల్ అవుతోంది. ఈ సినిమాలో విజయ్ దేవరకొండ ఒక పాత్రలో అర్జున్ రెడ్డి తరహాలో కనిపిస్తారని తెలుస్తోంది. ఈ సినిమా పీరియాడికల్ బ్యాక్ డ్రాప్ లో తెరకెక్కనుంది. రా అండ్ రస్టిక్ మూవీగా ఈ సినిమా తెరకెక్కుతోందని తెలుస్తోంది. శ్యామ్ సింగరాయ్ తరహాలో విజయ్ దేవరకొండ పాత్ర ఉంటుందని రెండు షేడ్స్ ఉన్న రోల్స్ లో విజయ్ దేవరకొండ కనిపిస్తారని తెలుస్తోంది.

సీమ బ్యాక్ డ్రాప్ లో గతానికి సంబంధించిన సరికొత్త స్క్రీన్ ప్లేతో ఉన్న కథతో ఆసక్తికరమైన కథనంతో ఈ సినిమా తెరక్కెకుతోందని తెలుస్తోంది. గతం గురించి షాకింగ్ విషయాలు హీరో పాత్రకు తెలిసే తరహా కథాంశంతో ఈ సినిమా స్టోరీ లైన్ ఉండబోతుందని తెలుస్తోంది. రష్మిక మందన్న (Rashmika)  ఈ సినిమాలో హీరోయిన్ గా కనిపించనున్నారని సమాచారం అందుతోంది.

విజయ్ దేవరకొండ రష్మిక కాంబినేషన్ క్రేజీ కాంబినేషన్ కాగా ఈ కాంబినేషన్ వల్ల సినిమాపై అంచనాలు పెరిగే అవకాశం ఉంది. విజయ్ రష్మికల పారితోషికాల కోసమే నిర్మాతలు 20 కోట్ల రూపాయల రేంజ్ లో ఖర్చు అవుతోంది. విజయ్ రష్మిక ఈ సినిమాతో ఎలాంటి ఫలితాన్ని సొంతం చేసుకుంటారేమో చూడాల్సి ఉంది. విజయ్ రేంజ్ అంతకంతకూ పెరుగుతుండటం గమనార్హం.