మెగా మేనల్లుడు సాయిధరమ్ తేజ్ తమ్ముడు వైష్ణవ్ తేజ్ హీరోగా ఎంట్రీ ఇవ్వబోతున్న సంగతి తెలిసిందే. ‘ఉప్పెన’ అనే మాస్ టైటిల్ తో రూపొందుతున్న ఈ చిత్రంలో వైష్ణవ్ కు జోడిగా కృతి శెట్టి హీరోయిన్ గా నటిస్తుంది. ‘మైత్రి మూవీ మేకర్స్’ ‘సుక్కు రైటింగ్స్’ కలిసి నిర్మిస్తున్న ఈ చిత్రానికి సుకుమార్ శిష్యుడు.. బుచ్చిబాబు దర్శకుడు. జాలర్ల నేపథ్యంలో సాగే కథాంశంతో తెరకెక్కుతున్న ఈ చిత్రంలో తమిళ స్టార్ హీరో విజయ్ సేతుపతి ని కూడా ఓ కీలక పాత్ర కోసం ఎంచుకున్నారు. అయితే ఈ ప్రాజెక్ట్ నుండీ విజయ్ సేతుపతి తప్పుకున్నట్లు పుకార్లు వస్తున్నాయి.
దీనికి అసలు కారణం ఏంటనేది మాత్రం ఎవ్వరూ చెప్పడం లేదు. ఇప్పటి వరకూ విజయ్ సేతుపతి షూటింగ్ లో పాల్గొనకపోవడంతో ఈ వార్తలు వస్తున్నట్టు స్పష్టమవుతుంది. అయితే ఇవన్నీ పుకార్లేనని చిత్ర యూనిట్ సభ్యులు చెబుతున్నారు. వారి సమాచారం మేరకు విజయ్ సేతుపతి షెడ్యూల్ ఆగష్టు నుండీ మొదలు కానుందట. అందుకే ఇప్పటి వరకూ ఈ చిత్రం షూటింగ్లో విజయ్ సేతుపతి జాయినవ్వలేదని సమాచారం. ఈ విషయం పై చిత్ర నిర్మాతలు కూడా స్పందించాల్సి ఉంది.
