రచయితగా “బాహుబలి, భజరంగీ భాయిజాన్” చిత్రాలతో ప్రపంచస్థాయిలో పేరు సంపాదించిన విజయేంద్రప్రసాద్.. దర్శకుడిగా మాత్రం ఓ మోస్తరుగా సైతం అలరించలేకపోయాడు. ఆయన దర్శకత్వంలో రూపొందిన “శ్రీకృష్ణ 2006, రాజన్న” చిత్రాలు ఆశించిన స్థాయిలో ప్రేక్షకుల్ని ఆకట్టుకోలేకపోయాయి, దాంతో దర్శకుడిగానూ ఒక భారీ విజయాన్ని తన భాతాలో వేసుకోవాలన్న తపనతో.. “బాబ్రీ మసీదు” కూల్చివేత కథాంశంగా ఓ చిత్రాన్ని తెరకెక్కించేందుకు సన్నాహాలు చేసుకొంటున్నాడు విజయేంద్రప్రసాద్.
సన్నీడియోల్ ప్రధాన పాత్ర పోషించనున్న ఈ చిత్రానికి విజయేంద్రప్రసాద్ తనయుడు రాజమౌళి క్రియేటివ్ డైరెక్టర్ గా వ్యవహరించనున్నాడు. వచ్చే ఏడాది ఈ సినిమా సెట్స్ కు వెళ్లనుంది.
ఇంతకుమునుపు కూడా రాజమౌళి.. తన తండ్రి దర్శకత్వం వహించిన “రాజన్న” చిత్రానికి క్రియేటివ్ డైరెక్టర్ గా వర్క్ చేసాడు. ఇకపోతే.. విజయేంద్రప్రసాద్ దర్శకత్వం వహించిన “వల్లి” చిత్రం జూలైలో విడుదల కానుంది!
