తమిళ హీరో విక్రమ్ ‘అపరిచితుడు’ సినిమాతో తెలుగులో కాస్త మార్కెట్ ఏర్పరుచుకున్నాడు. అయితే తరువాత తాను చేసిన ఎన్నో సినిమాలు కాస్త ప్రయోగాత్మకమైనవి కావడంతో వరుస పరాజయాలు ఎదుర్కుని తెలుగులో తన మార్కెట్ కోల్పోయాడు. అయితే శంకర్ దర్శకత్వంలో ఎన్నో అంచనాలతో విడుదలయిన ‘ఐ’ చిత్రం బాక్స్ ఆఫీస్ వద్ద భారీ డిజాష్టర్ నే చవి చూసింది. ఇక అవన్నీ పక్కనే పెడితే మరో ప్రయోగంతో ముందుకు పోతున్నాడు విక్రమ్.
తాజాగా విక్రమ్ నటిస్తున్న ‘ఇరుముగన్’ సినిమా త్వరలోనే విడుదలకు సిద్దం అయ్యింది. అయితే ఈ సినిమా విడుదల చేసేందుకు విక్రమ్ భయపడుతున్నాడు అని తెలుస్తుంది. దానికి కారణం ఎన్టీఆర్ అని తెలుస్తుంది. అదేంటి ఎన్టీఆర్ విక్రమ్ ను ఎందుకు భయపెడుతున్నాడు అంటే…ఈ ఇరుముగన్ సినిమా ఎన్టీఆర్ జనతా గ్యారేజ్ సినిమా రెండు ఒకే రోజు విడుదల కాబోతున్నాయి. అసలే వరుస ప్రయోగాలతో ఫ్లాప్స్ లో ఉన్నాడు విక్రమ్, అదే క్రమంలో వరుసగా రెండు హిట్స్ ఇచ్చి, మూడో హిట్ కోసం ఆతురతగా ఎదురుచూస్తున్నాడు ఎన్టీఆర్ మరి అలాంటి ఎన్టీఆర్ సినిమాతో పోటీపడి మన చియాన్ విక్రమ్ నిలవడం చాలా కష్టం. ఇక ఈ సినిమా తెలుగు రైట్స్ కొనుక్కున్న నిర్మాత తలపట్టుకుంటున్నాడు. ఈ గండం నుంచి ఎలా గట్టు ఎక్కాలా అని ఆలోచన చేస్తున్నాడు. మరి చూడాలి ఏం జరగబోతుందో.
