కోలీవుడ్ లో స్టార్ హీరోగా దూసుకుపోతున్న విక్రమ్ కి తెలుగులో కూడా మంచి ఫాలోయింగ్ ఉంది. ఒకప్పుడు వరుస విజయాలతో దూసుకుపోయిన ఈ హీరోకి ఈ మధ్యకాలంలో ఒక్క హిట్టు కూడా దక్కలేదు. ఎన్ని ప్రయోగాలు చేస్తున్నా.. వర్కవుట్ అవ్వడం లేదు. భారీ అంచనాల మధ్య విడుదలైన సినిమాలు కూడా బోల్తా కొట్టాయి. దీంతో తన తదుపరి సినిమాలపై ఫోకస్ పెట్టాడు. ఇప్పుడు ఈ హీరో నటించిన సినిమాలను ఓటీటీలో విడుదల చేయడానికి ప్లాన్ చేస్తున్నారని సమాచారం.
కోవిడ్ సమయంలో చాలా మంది స్టార్ హీరోలు తమ సినిమాలను ఓటీటీల్లో విడుదల చేశారు. సూర్య, ఆర్య లాంటి హీరోలు ఓటీటీలో తమ సినిమాలను విడుదల చేసి భారీ విజయాలను అందుకున్నారు. సూర్య నటించిన ‘ఆకాశమే నీ హద్దురా’, ‘జై భీమ్’ లాంటి సినిమాలు ఓటీటీలో రికార్డులు సృష్టించారు. ఇప్పుడు ఆయన నటిస్తోన్న కొత్త సినిమాను మాత్రం థియేటర్లలో విడుదల చేయాలనుకుంటున్నారు. సూర్యతో పాటు ఆర్య నటించిన ‘సార్పట్ట’ అనే సినిమా ఓటీటీలో విడుదలై అత్యధిక వ్యూస్ ను రాబట్టింది.
అలా అటు సూర్య, ఇటు ఆర్య ఇద్దరూ కూడా ఓటీటీ సినిమాల ద్వారానే హిట్స్ అందుకున్నారు. ఇప్పుడు ఇదే రూట్ లో విక్రమ్ కూడా వెళ్లాలనుకుంటున్నారు. ఆయన నటిస్తోన్న ‘మహాన్’, ‘కోబ్రా’ లాంటి సినిమాలు ఓటీటీలో విడుదల కానున్నాయని సమాచారం. ‘మహాన్’ సినిమాను జనవరి 26న ప్రైమ్ లో రిలీజ్ చేయడానికి సిద్ధమవుతున్నారు. మరో సినిమా ‘కోబ్రా’ కూడా నేరుగా ఓటీటీలో రిలీజ్ చేయడానికి డిస్కషన్స్ జరుగుతున్నాయి. మరి సూర్య, ఆర్యల మాదిరి విక్రమ్ కూడా సక్సెస్ అందుకుంటారేమో చూడాలి!
Most Recommended Video
ఈ ఏడాది హీరోయిన్లుగా ఎంట్రీ ఇచ్చిన భామల లిస్ట్..!
ఈ ఏడాది ప్లాపుల నుండీ బయటపడ్డ హీరోలు ఎవరో తెలుసా?
ఈ ఏడాది వివాహం చేసుకున్న సినీ సెలబ్రిటీలు..!
