కోలీవుడ్ తో పాటు టాలీవుడ్ లో కూడా తనకంటూ ప్రత్యేకంగా గుర్తింపు సంపాదించుకున్నారు నటుడు విక్రమ్. ఇటీవల ఆయన ఆరోగ్యంపై కొన్ని రూమర్స్ వచ్చిన సంగతి తెలిసిందే. దీనిపై తాజాగా ఆయన క్లారిటీ ఇచ్చారు. అది కూడా తన అభిమానుల సమక్షంలో కావడం విశేషం. చియాన్ విక్రమ్ హీరోగా నటిస్తోన్న లేటెస్ట్ సినిమా ‘కోబ్రా’. ఈ సినిమా ఆగస్టు 11న ప్రేక్షకుల ముందుకు రానుంది. దీంతో చిత్రబృందం ప్రమోషన్స్ షురూ చేసింది.
ఈ క్రమంలో సోమ‌వారం చెన్నైలో ఆడియో వేడుకను నిర్వహించారు. దీనికి విక్రమ్ హాజరయ్యారు. ఈ సంద‌ర్భంలో ఆయన తన ఆరోగ్యంపై వచ్చిన రూమ‌ర్స్‌పై చాలా తెలివిగా స్పందించారు. యూట్యూబ్ ఛానెల్స్ పై సెటైర్స్ కూడా వేశారు. ఈ మ‌ధ్య తన ఆరోగ్యం గురించి సోష‌ల్ మీడియాలో ఏవేవో రాశారని.. కొన్ని యూ ట్యూబ్ ఛానెల్స్ అయితే ఏకంగా ఓ పేషంట్ బాడీకి నా పేస్‌ను అతికించారని అన్నారు. మార్ఫింగ్ చేసి క్రియేటివిటీ చూపించారని..
కానీ నేను ఈరోజు మీ మ‌ధ్య చాలా ఆరోగ్యంగా నిల‌బ‌డి ఉన్నానని చెప్పుకొచ్చారు. ఈ కామెంట్స్ తో తన ఆరోగ్యం గురించి ఆందోళ‌న చెంద‌న‌వ‌స‌రం లేదని విక్రమ్ స్పష్టం చేశారు. రీసెంట్‌గా ఛాతిలో ఏదో ఇబ్బందిగా అనిపించ‌డంతో హీరో విక్రమ్ కి చెన్నైలోని కావేరి హాస్పిట‌ల్‌లో జాయిన్ చేశారు. దీంతో ఆయ‌న‌కు గుండెపోటు వచ్చింద‌నే వార్త‌లు బ‌య‌ట‌క వచ్చాయి.
దీంతో ఫ్యాన్స్‌లో టెన్ష‌న్ మొద‌లైంది. అందులో నిజం లేదని కుటుంబసభ్యులు క్లారిటీ ఇచ్చినా రూమర్స్ ఆగలేదు. దీంతో విక్రమ్ నేరుగా ఈ వార్తలపై స్పందించారు. ఇక ‘కోబ్రా’ సినిమా విష‌యానికి వ‌స్తే.. అజ‌య్ జ్ఞాన‌ముత్తు డైరెక్ట్ చేసిన ఈ సినిమాకి ఏఆర్ రెహ్మాన్ సంగీతం అందిస్తున్నారు. ‘కేజీఎఫ్’ ఫేమ్ శ్రీనిధి హీరోయిన్ గా నటిస్తోంది. ఈ సినిమాలో విక్రమ్ చాలా గెట‌ప్స్ వేశారు. అవి చూడాలంటే సినిమా రిలీజ్ అయ్యేవరకు వెయిట్ చేయాల్సిందే!
Most Recommended Video
టాలీవుడ్ లో రీ ఎంట్రీ ఇవ్వబోతున్న 10 మంది హీరోయిన్స్ లిస్ట్..!
అభిమానులకు అవకాశాలు ఇచ్చి బ్లాక్ బస్టర్లు అందుకున్న హీరోలు..!
ఈ ఏడాది బాక్సాఫీస్ వద్ద సక్సెస్ అయిన 13 సినిమాల లిస్ట్..!
