Virata Parvam OTT: తెలుగుతో పాటు మరో రెండు భాషల్లో స్ట్రీమింగ్ కానున్న ‘విరాట పర్వం’

June 29, 2022 / 06:41 PM ISTByFilmy Focus

Join Us

Virata Parvam OTT: తెలుగుతో పాటు మరో రెండు భాషల్లో స్ట్రీమింగ్ కానున్న ‘విరాట పర్వం’

నక్సలిజం బ్యాక్ డ్రాప్ లో రానా, సాయి పల్లవి హీరో హీరోయిన్లుగా వేణు ఊడుగుల దర్శకత్వంలో తెరకెక్కిన చిత్రం ‘విరాట పర్వం’. జూన్ 17న ఈ చిత్రం థియేటర్లలో రిలీజ్ అయ్యింది. పాజిటివ్ టాక్ ను అయితే సంపాదించుకుంది కానీ మూవీ బాక్సాఫీస్ వద్ద ఘోరంగా ప్లాప్ అయ్యింది. ‘సురేష్ ప్రొడక్షన్స్’ సమర్పణలో ‘ఎస్.ఎల్.వి సినిమాస్’ బ్యానర్ పై సుధాకర్ చెరుకూరి ఈ చిత్రాన్ని నిర్మించారు. నిజానికి ఈ చిత్రాన్ని నేరుగా ఓటీటీలో రిలీజ్ చేయమని భారీ ఆఫర్లు వచ్చాయి.

రూ.40 కోట్ల వరకు నెట్ ఫ్లిక్స్ వారు ఆఫర్ చేశారు. కానీ ఎందుకో బయ్యర్స్ థియేటర్ కే ఇంట్రెస్ట్ చూపించారు. కానీ బాక్సాఫీస్ వద్ద ఈ చిత్రం ఘోర పరాజయం పాలయ్యింది. ఇలాంటి సినిమాలు ఓటీటీలో చూస్తేనే బాగుంటుంది అని చాలా మంది విశ్లేషకులు తమ అభిప్రాయాన్ని వ్యక్తం చేశారు. అందుకేనేమో సినిమా రిలీజ్ అయిన రెండు వారాలకే ఈ చిత్రాన్ని ఓటీటీలో రిలీజ్ చేసేందుకు మేకర్స్ డిసైడ్ అయ్యారు.

అవును నెట్ ఫ్లిక్స్ లో ‘విరాట పర్వం’ చిత్రం జూలై 1 నుండి స్ట్రీమింగ్ కానుంది. తెలుగుతో పాటు తమిళ, మలయాళ భాషల్లో కూడా ఈ మూవీ స్ట్రీమింగ్ కాబోతుంది. ఓటీటీలో అయినా ఈ చిత్రం మంచి ఫలితాన్ని అందుకుంటుందో లేదో చూడాలి. ఇక ఈ చిత్రంలో రానా కామ్రేడ్ రావన్న పాత్రలో కనిపించగా.. ప్రియమణి భారతక్క పాత్ర పోషించింది.

నవీన్ చంద్ర, బెనర్జీ, రాహుల్ రామకృష్ణ,ఈశ్వరి రావు వంటి వారు కూడా ఈ మూవీలో కీలక పాత్రలు పోషించారు. సురేష్ బొబ్బిలి ఈ చిత్రానికి సంగీతం అందించగా శ్రీకర్ ప్రసాద్ ఎడిటర్ గా వ్యవహరించారు.