ఆద్యంతం ఉత్కంఠ భరితంగా జరిగిన మా(మూవీ ఆర్టిస్ట్స్ అసోసియేషన్) ఎన్నికల్లో మంచు విష్ణు ఘనవిజయం సాధించారు. ప్రకాష్ రాజ్ పై మంచు విష్ణు విజయం సాధించి అందరినీ ఆశ్చర్యపరిచారు. ప్రకాష్ రాజ్ ప్యానెల్ మంచు విష్ణు ప్యానెల్ ల మధ్య హోరాహోరీగా జరిగిన ఈ ఎన్నికల్లో… మంచు విష్ణు ప్యానెల్ పై చేయి సాధించింది. మా కొత్త ప్రెసిడెంట్ బాధ్యతల్ని మంచు విష్ణు చేపట్టనున్నారు. దీనికి సంబందించిన అధికారిక ప్రకటన రాత్రి 10 గంటల తర్వాత రానుందని సమాచారం. విష్ణు ప్యానెల్ లో రఘుబాబు, శివ బాలాజీ వంటి వారు కూడా విజయం సాధించారు.
గతంలో కంటే కూడా ఈసారి మా ఎన్నికల్లో ఎక్కువ పోలింగ్ జరిగినట్టు తెలుస్తోంది. 915 మంది ఉన్న మా స‌భ్యుల్లో ఉన్న 883 మంది స‌భ్యుల‌కు ఓటింగ్ హ‌క్కు ఉండగా… . 2019 లో జరిగిన ఎన్నికల్లో 474 ఓట్లు మాత్రమే పోల‌య్యాయి. అయితే ఈసారి అంచ‌నాల‌ను మించి ఏకంగా 665 ఓట్లు పోల‌వ్వడం గమనించదగ్గ విషయం. గతంలో కంటే కూడా ఈసారి వేరే దేశాల్లో, వేరే రాష్ట్రాల్లో ఉన్న మా స‌భ్యులు విమానాల్లో వ‌చ్చి మరీ ఓట్లు వేయ‌డం విశేషంగా చెప్పుకోవాలి.
Most Recommended Video
సమంత- నాగచైతన్య మాత్రమే కాదు టాలీవుడ్లో ఇంకా చాలా మంది ఉన్నారు..!
‘రిపబ్లిక్’ మూవీలో గూజ్ బంప్స్ తెప్పించే డైలాగులు ఇవే..!
టాలీవుడ్ స్టార్ హీరోల ఇష్టమైన కార్లు..వాటి ధరలు
Home