ఫలక్ నుమా దాస్, హిట్ సినిమాలతో విశ్వక్ సేన్ నటుడిగా తనేంటో ఇప్పటికే ప్రూవ్ చేసుకున్నారు. ప్రతిభతో తక్కువ సమయంలోనే వరుస విజయాలను సొంతం చేసుకున్న విశ్వక్ సేన్ పాగల్ సినిమాలో నటిస్తుండగా ఇప్పటికే విడుదలైన పాగల్ టీజర్ ప్రేక్షకులను ఆకట్టుకుంది. తాజాగా విశ్వక్ సేన్ అభిమానులతో చిట్ చాట్ చేసి అభిమానులు అడిగిన ప్రశ్నలకు ఆసక్తికరమైన జవాబులు ఇచ్చారు. ఒక నెటిజన్ విశ్వక్ సేన్ ను క్రష్ గురించి ప్రశ్నించగా చిన్నప్పటి నుంచి ఇప్పటివరకు స్టార్ హీరోయిన్ ఇలియానా తన క్రష్ అని విశ్వక్ సేన్ చెప్పుకొచ్చారు.
నెటిజన్లు పెళ్లి ఎప్పుడని ప్రశ్నించగా సంబంధాలు ఉంటే చెప్పాలంటూ విశ్వక్ సేన్ కొంటెగా బదులిచ్చారు. మరొక నెటిజన్ తన మనస్సులో విశ్వక్ సేన్ ఉంటున్నందుకు 10వేల రూపాయల అద్దె ఇవ్వాలని హీరోను కోరారు. విశ్వక్ సేన్ ఆ అభిమానికి అద్దె చాలా తక్కువగా ఉందంటూ బదులిచ్చారు. ఒక నెటిజన్ మాత్రం ” అన్నా నువ్వు రిప్లై ఇవ్వకపోతే సూసైడ్ చేసుకుంటా, నీ మీద ఒట్టు” అని చెప్పగా విశ్వక్ సేన్ ఆ కామెంట్ ను చూసి ఖంగు తిన్నారు.
విశ్వక్ సేన్ ఆ నెటిజన్ అడ్రస్ అడగగా అతను మీ గుండెలో ఉంటానంటూ విశ్వక్ సేన్ కు బదులిచ్చారు. మరొక మహిళా అభిమాని విశ్వక్ ను పెళ్లి చేసుకోవాలని ఉందంటూ మనస్సులోని కోరికను బయటపెట్టారు. సినిమాలకు సంబంధించిన ప్రశ్నల గురించి స్పందిస్తూ కరోనా తీవ్రతను బట్టి పాగల్ రిలీజ్ విషయంలో నిర్ణయం తీసుకుంటామని విశ్వక్ సేన్ తెలిపారు. ప్రస్తుతం ఓ మై కడవులా రీమేక్ లో నటిస్తున్నానని ఇప్పటికే ఈ సినిమా షూటింగ్ 30 శాతం పూర్తైందని విశ్వక్ సేన్ పేర్కొన్నారు.
Most Recommended Video
ధూమపానం మానేసి ఫ్యాన్స్ ని ఇన్స్పైర్ చేసిన 10 మంది హీరోల లిస్ట్..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
ఈ 12 మంది డైరెక్టర్లు మొదటి సినిమాతో కంటే కూడా రెండో సినిమాతోనే హిట్లు కొట్టారు..!
