Vishwak Sen: నన్ను కిందకి లాగేయాలని చూస్తున్నారు: విశ్వక్ సేన్

విశ్వక్ సేన్ (Vishwak Sen) ప్రధాన పాత్రలో తెరకెక్కిన ‘గామి’ (Gaami) గత వారం అంటే మార్చి 8 న శివరాత్రి కానుకగా ప్రేక్షకుల ముందుకు వచ్చింది. మొదటి షోతోనే ఈ మూవీ సూపర్ హిట్ టాక్ ను సొంతం చేసుకుంది. కలెక్షన్లు కూడా చాలా బాగా వచ్చాయి. ఓపెనింగ్స్ విషయంలో ‘గామి’ విశ్వక్ సేన్ కెరీర్లో బిగ్గెస్ట్ హిట్ గా నిలిచింది. బయ్యర్స్ అంతా సేఫ్ అయ్యారు. అయితే బుక్ మై షోలో కొంతమంది పనిగట్టుకుని ‘గామి’ పై నెగిటివ్ రివ్యూస్ ఇస్తున్నారు అంటూ హీరో విశ్వక్ సేన్ మండిపడ్డాడు.

విశ్వక్ సేన్ మాట్లాడుతూ.. ” ‘గామి’ ని ఇంత పెద్ద బ్లాక్ బస్టర్ గా నిలబెట్టిన ఆడియన్స్ అందరికీ థాంక్స్. ఈ సందర్భంగా.. నా దృష్టికి వచ్చిన ఓ వివాదం గురించి మాట్లాడాలని అనుకుంటున్నాను. బుక్ మై షోలో కావాలని కొంత మంది ఈ సినిమా పై ఎటాక్ చేస్తున్నారట. మొదటి రోజు 9, 10 రేటింగ్ కనిపించింది.. ఆ తర్వాత కొంత మంది కావాలని ఇష్టమొచ్చినట్టుగా రేటింగ్ వేస్తూ.. దాన్ని ఒకటి వరకు పట్టుకొచ్చారు. అని విన్నాను.

ఇలా ఎందుకు చేస్తున్నారు? దీని వెనుక ఉన్నది ఎవరు? అనేది నాకు తెలీదు. కానీ ఒక్కటి చెబుతున్నా.. మీరు నన్ను ఎంత కిందకు లాగాలని చూస్తే.. నేను అంత మీదకు వస్తాను.ఈ విషయం పై లీగల్ యాక్షన్ తీసుకుంటాను.. నా సినిమాని సపోర్ట్ చేసి సక్సెస్ చేసిన ఆడియెన్స్‌ అందరికీ మరోసారి స్పెషల్ థాంక్స్ చెబుతున్నాను” అంటూ చెప్పుకొచ్చాడు.

ఘనంగా హీరోయిన్ మీరా చోప్రా పెళ్లి.. వైరల్ అవుతున్న ఫోటోలు

భర్తకు షాకిచ్చిన సీరియల్ నటి.. ఏమైందంటే?
సిద్ధు జొన్నలగడ్డ ఆ హీరోయిన్ ను పెళ్లి చేసుకోనున్నారా.. ఏం జరిగిందంటే?