వినాయక చవితి ఉత్సవాల్లో పవన్, మహేష్ ఫ్యాన్స్ మధ్య గొడవ!

మేమందరం చాలా బాగా కలిసి ఉంటామని  స్టార్స్ ఎన్నిసార్లు చెబుతున్నా, అభిమానుల మధ్య గొడవలు మాత్రం తగ్గడం లేదు. భీమవరంలో ప్రభాస్, పవన్ ల ఫ్లేక్సీల వివాదం గురించి మరిచిపోకముందే .. అలాంటి వివాదం మరొకటి రాజుకుంది. వినాయక చవితి సందర్భంగా మొదలైన ఈ గొడవ చాలా వరకు వెళ్లినట్టు సమాచారం. తూర్పు గోదావరి జిల్లాలోని కాట్రేనికోనలోని సుబ్రహ్మణ్యస్వామి గుడి వద్ద జరిగిన వినాయక చవితి ఉత్సవాలలో భాగంగా … మహేష్ బాబు అభిమానులు తమ హీరోతో పాటు కొందరు రాజకీయ నాయకులకు చెందిన రెండు ఫ్లెక్సీలను ఏర్పాటు చేశారు.

దీనిపై మరో సామాజిక వర్గానికి చెందిన అభిమానులు అభ్యంతరం వ్యక్తం చేస్తూ వాటిని తొలగించారు. ఇక్కడ ఫ్లెక్సీల ఏర్పాటుపై ఇదివరకు రెండు ప్రధాన సామాజిక వర్గాల మధ్య ఘర్షణ జరిగింది. అప్పటి నుంచి ఎవరూ ఫ్లెక్సీలు పెట్టరు. గతంలో మహేష్ ఫ్లెక్సీలను తొలగించిన సందర్భాలు ఉన్నాయి. అయినా ఈ విషయాలు పట్టించుకోకుండా మళ్ళీ మహేష్ అభిమానులు ఫ్లెక్సీలు ఏర్పాటు చేసారు. దీనికి పోటీగా పవన్ అభిమానులు కూడ ఫ్లెక్సీలు ఏర్పాటు చేశారు. ఒకరి ఫ్లెక్సీలను మరొకరు తొలిగించడంతో  ఇరువర్గాల వారు కొట్టుకునే వరకు వెళ్ళింది. దీంతో రంగంలో దిగిన ఊరి పెద్దలు ఇరువర్గాల వారిని నచ్చచెప్పి గొడవ పెరగకుండా చేసినట్లు తెలిసింది.

Also, do SUBSCRIBE to our YouTube channel to get latest Tollywood updates.