బాహుబలి కంక్లూజన్ లో హాస్యం ఉంటుందని చెప్పిన రాజమౌళి

ప్రపంచవ్యాప్తంగా సినీ అభిమానులను నిద్ర లేకుండా చేసిన ప్రశ్నకు మరికొన్ని గంటల్లో సమాధానం దొరకనుంది. దర్శకధీరుడు ఎస్.ఎస్. రాజమౌళి సృష్టించిన మహిష్మతి రాజ్యంలోని యువరాజులు మధ్య పోరాటాన్ని తెరపైన మరోమారు చూడనున్నాం. ప్రభాస్ ద్వి పాత్రాభినయం చేసిన బాహుబలి 2 రేపు ఎనిమిది వేల థియేటర్లలో రిలీజ్ కాబోతోంది. ఈ సినిమా ప్రచారంలో భాగంగా రాజమౌళి తెలుగు మీడియాకు ఇంటర్వ్యూ లు ఇచ్చారు. ఇందులో ఆసక్తికర విషయం చెప్పారు. బాహుబలి అనగానే పోరాటాలు, డ్రామా మాత్రమే గుర్తుకొస్తాయి. అవి బాహుబలి 2 లో ఊహించనట్లుగా ఉంటాయి.

ఇంకా హాస్యం కూడా ఉందని చెప్పి అందరినీ ఆశ్చర్యపరిచారు. జక్కన్న సెంటిమెంట్ ని పండించడంలో దిట్ట. డ్రామాని, మెలోడ్రామాని అద్భుతంగా తెరకెక్కించి విజయాలను అందుకున్నారు. కామెడీని అనవసరంగా జొప్పించారు. కథలో భాగంగానే కామెడీ సీన్లు వస్తాయి. మరి ఈ చిత్రంలో ఎక్కడ, ఎవరి మధ్య హాస్యం పండించారనే విషయం ఆసక్తిని కలిగించింది.

Also, do SUBSCRIBE to our YouTube channel to get latest Tollywood updates.