ఎన్టీఆర్, చరణ్ వంటి ఇద్దరు స్టార్ హీరోలతో రాజమౌళి తెరకెక్కిస్తున్న చిత్రం ‘ఆర్.ఆర్.ఆర్’. ఈ చిత్రంలో చరణ్ ను అల్లూరి సీతారామ రాజు గా.. అలాగే ఎన్టీఆర్ ను కొమరం భీమ్ గా ప్రెజెంట్ చేయబోతున్నాడు రాజమౌళి. అయితే ఇటీవల వచ్చిన చరణ్ బర్త్డే వీడియోలో.. అతన్ని పోలీస్ గా పరిచయం చేసేశాడు. ఈ వీడియో కి… వందకి వంద మార్కులు పడ్డాయి. ఎంతో సీరియస్ గా అలాగే పవర్ ఫుల్ గా చరణ్ ఈ వీడియోలో కనిపించి విజిల్స్ వేయించాడు.
ఈ వీడియోకి ఎన్టీఆర్ వాయిస్ ఓవర్ మరో ప్లస్ అని చెప్పాలి. చరణ్ ఈ చిత్రంలో రెండు మూడు గెటప్స్ లో కనిపిస్తాడని టాక్ నడుస్తుండగా… అందులో పోలీస్ గెటప్ ను ఎంచుకుని చరణ్ ను పరిచయం చేసాడు. రామరాజు పోలీస్ గా ఎలా మారడు అనేది సస్పెన్స్ మైంటైన్ చేస్తూ ఈ వీడియోని జనాల్లోకి పంపించాడు. మరి ఎన్టీఆర్ ను ఎలా పరిచయం చేస్తాడు అనేది చూడాల్సి ఉంది.
అయితే అందుతున్న సమాచారం ప్రకారం చరణ్ ని పోలీస్ గా పరిచయం చేసిన రాజమౌళి ఎన్టీఆర్ ను కూడా ఓ పవర్ ఫుల్ ప్రొఫెషనల్ ఓరియెంటెడ్ లుక్ లో ప్రెజెంట్ చేస్తాడని తెలుస్తుంది. ఇందులో ఎన్టీఆర్ కూడా మూడు గెటప్స్ లో కనిపిస్తాడు అని ముందు నుండీ టాక్ నడుస్తూనే ఉంది. ఏదేమైనా మే 20న విషయం తేలిపోతుంది. ఆరోజు ఎన్టీఆర్ పుట్టిన రోజు కావడంతో ఆతని పాత్రని పరిచయం చెయ్యాలని రాజమౌళి భావిస్తున్నాడట. ‘రామరాజు ఫర్ భీమ్’ పేరుతో రాబోతున్న ఈ వీడియోకి చరణ్ వాయిస్ ఓవర్ ఇవ్వబోతున్నాడని సమాచారం.
Most Recommended Video
ఈ 17 ఏళ్లలో బన్నీ వదులుకున్న సినిమాలు ఇవే!
మన టాలీవుడ్ డైరెక్టర్స్ మరియు వారి భార్యలు!
సొంత మరదళ్ళను పెళ్లాడిన టాప్ స్టార్స్
