సోమవారం ఉదయాన్నే సినిమా లవర్స్‌కి షాకింగ్ న్యూస్‌ ఏంటి అంటే.. ‘ప్రాజెక్ట్‌ కె’ సెట్స్‌లో బిగ్‌బీ అమితాబ్ బచ్చన్ గాయపడ్డారని. ఏం జరిగింది, ఎలా జరిగింది అంటూ అభిమానులు ఆందోళన పడుతుందగా.. అమితాబ్ తన బ్లాగ్‌లో క్లారిటీ ఇచ్చారు. ఎముకలకు గాయమైందని, ప్రస్తుతం కోలుకుంటున్నానని చెప్పారు. అయితే మధ్యాహ్నానికి నిర్మాత సి.అశ్వనీదత్ అయితే అసలు అలాంటిదేం జరగలేదు అని మీడియాకు సమాచారం ఇచ్చారు. దీంతో అసలు ఏమైంది అంటూ చర్చ మొదలైంది. దెబ్బ తగిలినాయనే తగిలింది అని చెబుతుంటే.. మళ్లీ ఇదేంటి అని అంటున్నారు.
‘ప్రాజెక్ట్‌ కె’ సినిమా రీసెంట్‌గా కొత్త షెడ్యూల్ ప్రారంభించుకుంది. అందులో భాగంగా అమితాబ్ బచ్చన్ ఒక యాక్షన్ ఎపిసోడ్‌లో పాల్గొన్నారు. ఈ క్రమంలో చిన్న ప్రమాదం వల్ల గాయపడటంతో చిత్రీకరణ తాత్కాలికంగా చిత్రీకరణ వాయిదా వేసినట్టు సమాచారం. ఎముకలకు కలిగిన గాయంతో హైదరాబాద్‌లోని ఓ ప్రైవేటు ఆస్పత్రిలో ప్రాధమికంగా చికిత్స తీసుకుని తిరిగి ముంబై వెళ్లిపోయారట అమితాబ్. ప్రస్తుతం ఇంట్లో విశ్రాంతి తీసుకుంటున్నారు. ఇదంతా అమితాబ్ స్వయంగా తన బ్లాగులో రాసుకొచ్చిన విషయం.
అయితే మరోవైపు నిర్మాత అశ్వనీదత్ అసలు అమితాబ్ తమ సినిమా వల్ల ఎలాంటి ఇబ్బందికి గురి కాలేదని చెప్పారు. ఆయన మూడు రోజుల క్రితమే షెడ్యూల్ పూర్తి చేసుకుని ముంబై వెళ్లిపోయారని చెప్పారు. దీంతో అమితాబ్ హైదరాబాద్‌లో వేరే సినిమా షూటింగ్‌లో పాల్గొన్నారా అనేది తెలియాల్సి ఉంది. ఇండస్ట్రీ వర్గాల సమాచారం ప్రకారం అయితే ‘ప్రాజెక్ట్‌ కె’ షూటింగ్ ఒక్కటే ఆయన పాల్గొన్నారు. మరి ఇంత క్లియర్‌గా సమాచారం ఉన్నా అశ్వనీదత్ అలా ఎందుకు చెప్పారో తెలియడం లేదు.
‘ప్రాజెక్ట్‌ కె’ సినిమాను 2024 సంక్రాంతికి తీసుకొస్తామని చెప్పారు. దాని ప్రకారమే షూటింగ్ ప్లాన్‌ చేసుకుని పెట్టుకుంటున్నారు. పెద్ద స్టార్ కాస్ట్‌ ఉండటంతో డేట్స్‌ కుదరడం అంత ఈజీ కాదు. ఈ సమయంలో షూటింగ్ ఆగింది అంటే సినిమా రిలీజ్‌కి ఇబ్బంది. మరి ఏం చేస్తారో చూడాలి. అంతేకాదు అసలు ఏం జరిగింది అనేది తెలియాలి.
ఫస్ట్‌డే కోట్లాది రూపాయల కలెక్షన్స్ కొల్లగొట్టిన 10 మంది ఇండియన్ హీరోలు వీళ్లే..!
ఆరడగులు, అంతకంటే హైట్ ఉన్న 10 మంది స్టార్స్ వీళ్లే..!
స్టార్స్ కి ఫాన్స్ గా… కనిపించిన 11 మంది స్టార్లు వీళ్ళే
ట్విట్టర్ టాప్ టెన్ ట్రెండింగ్‌లో ఉన్న పదిమంది సౌత్ హీరోలు వీళ్లే..!
Home