చిరంజీవి గురించి ఈ మధ్య కాలంలో మాట్లాడుకుంటే వినిపించేవి రెండే విషయాలు. ఒకటి ‘మన శంకరవరప్రసాద్’.. రెండోది సర్జరీలు – గాయాలు. కావాలంటే మీరే చూడండి. గతేడాది ఆఖరు నుండి ఇప్పటి వరకు ఈ రెండు విషయాలే డిస్కషన్లో ఉంటున్నాయి. ‘మన శంకరవరప్రసాద్’ గురించి ఫుల్ క్లారిటీ ఇప్పుడు అభిమానులకు ఉంది. అయితే ఒక్కసారి కూడా గాయాల గురించి క్లారిటీ రావడం లేదు. చిరంజీవి కానీ, ఆయన టీమ్ కానీ గాయాల గురించి క్లారిటీ ఇవ్వడం లేదు. ఇప్పుడు మరో ఫొటో అభిమానులను ఆందోళనకు గురి చేసింది.
అల్లు శిరీష్ పెళ్లి పనులు జోరందుకున్నాయి. పెళ్లి పిలుపులను అల్లు అరవింద్ కుటుంబం స్టార్ట్ చేసింది. తొలి కార్డును సోదరి, బావ కుటుంబానికి ఇచ్చారు అల్లు అరవింద్. దీనికి సంబంధించిన ఫొటోను షేర్ చేశారు. ఈ క్రమంలోనే చిరంజీవి గాయం విషయం బయటకు వచ్చింది. ఆ ఫొటోలో చిరు షోల్డర్ బ్యాగ్తో కనిపించారు. అందుకే మోచేతికి ఏదైనా గాయమైనా అయి ఉండాలి. లేదంటే సర్జరీ అయినా జరిగి ఉండాలి. సన్నిహితుల సమాచారం అయితే అది మైనర్ సర్జరీయే అని సమాచారం.
ఇది సినిమా షూటింగ్లో జరిగింది అని చెప్పలేం. ఎందుకంటే ఆయన సినిమా ఏదీ సెట్స్ మీద లేదు. ఆ లెక్కన ఎక్సర్సైజ్ చేస్తున్నప్పుడు కానీ.. లేదంటే గతంలో వచ్చిన ఏదైనా ఇబ్బంది కానీ అయి ఉండొచ్చు అని సమాచారం. ‘మన శంకరవరప్రసాద్’ సినిమా ప్రచారం సమయంలో కూడా చిరంజీవి ఆరోగ్యం గురించి వార్తలొచ్చాయి. అప్పుడు కాలికి గాయమైందని, నడుముకు ఏదో ఇబ్బంది అని తెలిసింది. కొన్నేళ్ల క్రితం ఆయన మోకాళ్లకు సర్జరీ కూడా జరిగింది.
అయితే మొన్నీమధ్య చిరంజీవి ఫ్యాన్స్ మీట్ ఏర్పాటు చేశారు. ఆ సమయంలో ఫొటోలు తీసుకున్నంత సేపు షోల్డర్ బ్యాగ్ పక్కన పెట్టి, చేతిని కదపకుండా ఓపిగ్గా ఫొటోలు ఇచ్చారు. గతవారం రామ్చరణ్ కవలల బారసాల సమయంలో కూడా చేతికి బ్యాగ్ లేదు. ఫంక్షన్లో ఎందుకు అని తీసేసి జాగ్రత్తగా ఉండి ఉండొచ్చు. ఇక ఈ గాయం/ ఇబ్బంది నేపథ్యంలో బాబీ సినిమా ఆలస్యమవ్వొచ్చు.
