Lokesh Kanagaraj: పవన్‌ అన్నారు.. ఇప్పుడు బన్నీ అంటున్నారు.. ఆ డైరక్టర్‌ ఏం చేస్తున్నారు?

బండ్లు ఓడలు.. ఓడలు బండ్లు అవ్వడం అనే సామెత తెలుసా? మరీ అంత ఇబ్బంది లేకపోయినా.. అనుకున్నదేదీ అనుకున్నట్లుగా సాగడం లేదు ఆ దర్శకుడికి. దానికి కారణం ఆయన రీసెంట్‌ సినిమా బాక్సాఫీసు దగ్గర ఆశించిన ఫలితం అందుకోకపోవడమే. ఆయనే లోకేశ్‌ కనగరాజ్‌. ‘కూలీ’ సినిమా ఫలితం రజనీకాంత్‌ ఫ్యాన్స్‌ ఎంత బాధపడ్డారో తెలియదు కానీ.. లోకేశ్‌ కనగరాజ్‌ ఫ్యాన్స్‌ని అయితే బాగా ఇబ్బందిపెట్టింది. ఆయన నుండి అంత పెద్ద హీరోకు ఆ స్థాయి సినిమాను వారు జీర్ణించుకోలేకపోయారు. దీంతో లోకేశ్ ప్లాన్స్‌ కూడా డిస్ట్రబ్‌ అయ్యాయని సమాచారం.

Lokesh Kanagaraj

‘కూలీ’ సినిమా తర్వాత లోకేశ్‌ చేస్తారు అని వార్తలొచ్చిన మూడు సినిమాల్లో రెండు ఎటూ కాకుండా పోగా.. మూడోది తర్వాత చూద్దాం అని అనుకుంటున్నారట. దీంతో ఆయన కొత్త కథలతో ఇతర భాషల హీరోలవైపు వస్తున్నారు. మొన్నటికి మొన్న లోకేశ్‌ కనగరాజ్‌ కొత్త సినిమా ప్రముఖ కథానాయకుడు పవన్‌ కల్యాణ్‌తో అవ్వొచ్చు అనే కామెంట్లు వినిపించాయి. ఓ కన్నడ నిర్మాత ఈ సినిమాను ప్రొడ్యూస్‌ చేస్తారు, ఈ మేరకు వీరి మీటింగ్‌ కూడా జరిగింది అని చెప్పారు. అయితే ఇప్పుడు అనూహ్యంగా మరో హీరో పేరు వినిపిస్తోంది.

లోకేశ్‌ కనగరాజ్‌ ఇటీవల హైదరాబాద్‌ వచ్చారట. ప్రముఖ కథానాయకుడు అల్లు అర్జున్‌ను కలిశారని, ఓ స్టోరీ లైన్‌ను కూడా చెప్పారని సమాచారం. బన్నీ ఇంట్రెస్ట్‌ చూపించడంతో పూర్తి కథను సిద్ధం చేసే పనిలో లోకేశ్‌ కనగరాజ్‌ ఉన్నారని ఓ వార్త గత రెండు రోజులుగా చక్కర్లు కొడుతోంది. దీంతో అదెలా సాధ్యం అనే చర్చ మొదలైంది. ప్రస్తుతం అట్లీ సినిమా పనుల్లో బన్నీ బిజీగా ఉన్నాడు. ఈ సినిమా ఇప్పట్లో పూర్తయ్యే పరిస్థితి కనిపించడం లేదు. రెండు పార్టులు ఉండొచ్చు అని కూడా అంటున్నారు.

కాబట్టి ఇప్పుడు లోకేశ్‌ సినిమా ఓకే అయినా అది పవన్‌ కల్యాణ్ సినిమా తర్వాతే అవ్వొచ్చు అని అంటున్నారు. మరి పవన్‌ సినిమా ఎప్పుడు అంటే.. వచ్చే నెలలో అనౌన్స్‌మెంట్‌ రావొచ్చు అని చెబుతున్నారు.

ఇండస్ట్రీకి బాలయ్య విలువైన సూచనలు