Nandamuri Balakrishna: ఇండస్ట్రీకి బాలయ్య విలువైన సూచనలు

నందమూరి బాలకృష్ణ స్పీచ్..లు చాలా మందికి తొందరగా అర్ధం కావు. ఎందుకంటే ఆయన చెప్పాలనుకునే పాయింట్ కి ఎక్కువ రిఫరెన్సులు తీసుకుని ఎక్కడికో వెళ్ళిపోతారు. అందువల్ల మెయిన్ టాపిక్ డైవర్ట్ అయిపోతూ ఉంటుంది. అయితే బాలయ్య మాటలను క్షుణ్ణంగా పరిశీలిస్తే చాలా డెప్త్ ఉంటుంది. కొన్ని సార్లు ఆయన కుండబద్దలు కొట్టేస్తూ ఉంటారు. తాజాగా జరిగిన అఖండ 2 ప్రీరిలీజ్ ఈవెంట్ లో కూడా ఆయన కొన్ని చేదు నిజాలు చెప్పి కుండబద్దలు కొట్టారు.

Nandamuri Balakrishna

‘మధ్య తరగతి జనాలు నిత్యవసర వస్తువులానే సినిమాని కూడా భావిస్తారు’ అని చెప్పి.. సినిమాని వాళ్లకి దూరం చేయకూడదు అని చెప్పడం జరిగింది. అంతేకాకుండా సినిమా మేకింగ్ విషయంలో చోటు చేసుకున్న ఘోరమైన మార్పులను సైతం ఆయన వేలెత్తి చూపించారు.సినిమా షూటింగ్స్ విషయంలో క్వాలిటీ, క్లారిటీ అంటూ ఎక్కువ టైం తీసుకుని సినిమాలు ఆలస్యం చేస్తున్నారు చాలా మంది మేకర్స్.

ఫాస్ట్ గా సినిమాని కంప్లీట్ చేస్తే నిర్మాతకి, పరిశ్రమకి ఎంత మంచిదో బాలయ్య వివరించారు. ‘అఖండ 2’ చిత్రాన్ని కుంభమేళ వంటి టఫ్ లోకేషన్స్ లో షూట్ చేసినప్పటికీ.. అనుకున్న టైంకి షూటింగ్ పూర్తిచేసినట్టు బాలయ్య చెప్పారు. ఈ విషయంలో తన తండ్రి సీనియర్ ఎన్టీఆర్ స్ఫూర్తి అని, పని విషయంలో క్రమశిక్షణ కలిగి ఉండటం నేర్పించారు కాబట్టే… ఇప్పటికీ ఇలా పనిచేస్తున్నట్టు బాలయ్య తెలిపారు.

కచ్చితంగా మిగతా స్టార్ హీరోలంతా బాలయ్య బాటలో నడవాల్సిన అవసరం ఎక్కువగానే ఉంది. కొన్నేళ్ల నుండి చూసుకుంటే..ఏడాదికి బాలయ్య నుండి కచ్చితంగా రెండేసి సినిమాలు వస్తున్నాయి . ఈ ఏడాది ఆరంభంలో ‘డాకు మహారాజ్’ తో వచ్చారు. ఇప్పుడు ‘అఖండ’ తో ఏడాదికి గుడ్ బై చెబుతున్నారు. పెద్ద హీరోల నుండి ఇలా సినిమాలు వస్తేనే థియేటర్ వ్యవస్థకి కూడా మంచిదని చెప్పాలి.

ఎన్టీఆర్ తన లైనప్ తో డైరెక్టర్లను కన్ఫ్యూజ్ చేస్తున్నాడా…..?