Jason Sanjay: ‘సిగ్మా’ అర్థం తెలుసా? సినిమాకు తమన్‌ ఎందుకు? జేసన్‌ సంజయ్‌ ముచ్చట్లు

సందీప్‌ కిషన్‌ హీరోగా జేసన్‌ సంజయ్‌ ఓ సినిమాను రూపొందించిన విషయం తెలిసిందే. ఆ సినిమా పేరే ‘సిగ్మా’. సంజయ్‌ ఎవరో తెలుసు కదా. తమిళ స్టార్ హీరో, తమిళనాడు సీఎం విజయ్ తనయుడు. ఇటీవల సంజయ్‌ ఓ ఇంటర్వ్యూలో మాట్లాడారు. తన సినిమా ఆలోచనలు, చిన్నతనంలో జరిగిన అంశాలు, సినిమా ఆసక్తుల గురించి ఆ ఇంటర్వ్యూలో కొన్ని ఆసక్తికర విషయాలు చెప్పుకొచ్చాడు. వాటిలో ముఖ్యమైనవి మీ కోసం.

Jason Sanjay

* చిన్నప్పటి నుండి నాన్నతో సెట్స్‌కి వెళ్లేవాడట. అక్కడి వాతావరణం నచ్చేదట. అయితే తాను మొదట పైలట్ కావాలనుకున్నాడట. కొన్నాళ్లకి క్రికెటర్ అవ్వాలనిపించిందట. ఇంటర్‌ చదివేటప్పుడు సినిమాలపై ఆసక్తి పెరిగిందట.

* చిన్నప్పటి నుండి కథలు చెప్పడం ఇష్టం. స్నేహితులకు రకరకాల కథలు చెప్పేవాడు. తర్వాత వాటిని మళ్లీ రాసుకునేవాడట. కెనడాలో ఫిల్మ్ మేకింగ్ కోర్సు నేర్చుకున్నాక తానేం చేయాలి అనే విషయంలో ఓ క్లారిటీ వచ్చిందట.

* నాన్న సినిమాకి దర్శకత్వం వహించాలన్నది నా కల. ఆయనతో పాటు హాలీవుడ్ యాక్షన్ స్టార్ జాసన్‌ స్టాథమ్‌ను డైరెక్ట్ చేయాలనుకుంటున్నాను అని మనసులో మాట బయటపెట్టేశాడు.

* ‘సిగ్మా’ కంటే ముందు సినిమాకు చాలా టైటిల్స్‌ అనుకున్నారట. అయితే సినిమా షూటింగ్‌ సగం పూర్తయ్యేసరికి ఈ సినిమాకు సిగ్మా అంటేనే బెటర్‌ అనిపించిందట. సినిమా థీమ్‌కి సరైన పేరు అనిపించి పెట్టేశారట.

* సిగ్మా అంటే.. ఒంటరి తోడేలు. ఎవరైనా వ్యక్తి ఒంటరిగా ఉండాలని కోరుకుంటే.. వారికి ఈ పేరు సరిపోతుందని.. ఇది సినిమా కాన్సెప్ట్ అని చెప్పకనే చెప్పాడు జేసన్‌.

* తొలి సినిమాకు తమన్‌తోనే పని చేయడం గురించి చెబుతూ.. తామీ సినిమాను తమిళ, తెలుగులో తీస్తున్నాం. ఈ రెండు భాషల్లో తమన్‌ సంగీతానికి పెద్ద ఎత్తున అభిమానులు ఉన్నారు. ఆయన బిజీగా ఉన్నా.. మా సినిమా కోసం టైమిచ్చి నా పని సులువు చేశారు అని సంజయ్‌ చెప్పాడు.

* ఇక తన ఫేవరెట్‌ మ్యూజిక్‌ డైరక్టర్ యువన్‌ శంకర్‌ రాజా. ఆయన మీద ఉన్న అభిమానంతోనే ‘సిగ్మా’లో ఓ పాట పాడించాం అని చెప్పాడు.

* ‘సిగ్మా’ కథ గురించి ఫీడ్‌ బ్యాక్‌ ఏమైనా ఇస్తారేమో అని లైకా తమిళ కుమరన్‌ని తొలిసారి కలిశారట. అయితే ఆయన కథ విని.. కొన్ని మార్పులు చెప్పడమే కాకుండా సినిమా నిర్మాణానికి సంస్థ ముందుకొచ్చేలా చేశారని సంజయ్‌ చెప్పాడు.

ఆగస్టు.. సౌత్‌ సినిమాకు పెద్ద టెస్టు.. డిస్టింక్షన్‌లో పాస్‌ అవ్వాలి సుమీ!