నాగ చైతన్య హీరోగా ‘థాంక్యూ’ అనే చిత్రం తెరకెక్కింది. దిల్ రాజు నిర్మాణంలో తెరకెక్కిన ఈ చిత్రాన్ని విక్రమ్ కుమార్ డైరెక్ట్ చేశాడు. జూలై 22న ఈ మూవీ రిలీజ్ కాబోతుంది. ఇదిలా ఉండగా.. ఈ చిత్రంలో నాగ చైతన్య మహేష్ బాబు ఫ్యాన్ గా నటించబోతున్నాడు. ఇది ‘థాంక్యూ’ మూవీ షూటింగ్ మొదలైనప్పుడే చిత్ర బృందం రివీల్ చేసింది. నాగ చైతన్య… మహేష్ బాబు ఫ్లెక్సీ కడుతున్నట్టు కూడా వీడియో బయటకు రావడం… దాన్ని మహేష్ అభిమానులు విపరీతంగా వైరల్ చేయడం జరిగింది.
‘అయితే ఓ స్టార్ హీరో ఫ్యామిలీకి చెందిన హీరో.. మరో స్టార్ హీరోకి అభిమానిగా కనిపించడం ఏంటి?’ అంటూ ఇప్పుడు డిస్కషన్లు మొదలయ్యాయి. మీడియా వారు కూడా ఏదో అడగాలి అన్నట్టు నిన్నటి ప్రెస్ మీట్లో ఇదే ప్రశ్న అడగడంతో ఇది చర్చనీయాంశం అయ్యింది. అయితే దీనికి చైతన్య ఇచ్చిన ఆన్సర్ అతని మెచ్యూరిటీకి నిదర్శనంగా నిలిచింది. ‘నేను ఓ పాత్రలో నటిస్తున్నప్పుడు దానికి పూర్తిగా సరెండర్ అయ్యి ఉంటాను.
ఆ పాత్ర డిమాండ్ చేసింది. అభిరామ్ అనే వ్యక్తి మహేష్ బాబు అభిమాని. పైగా ‘థాంక్యూ’ డిఫరెంట్.. డిఫరెంట్ టైం లైన్స్ లో జరిగే కథ ..కాబట్టి మహేష్ గారి 3 బ్లాక్ బస్టర్ సినిమాల రిఫరెన్స్ లు తీసుకున్నాం. నాకు నా ఫ్యామిలీ పెద్ద ఇన్స్పిరేషన్. కానీ సినిమాకి వచ్చేసరికి పాత్ర ఎలా డిమాండ్ చేస్తే అలా చేస్తాను’ అంటూ చెప్పుకొచ్చిన నాగ చైతన్య.. ‘నేను కాలేజీ రోజుల్లో ఉన్నప్పుడు ‘పోకిరి’ సినిమా చూసి బాగా ఎంజాయ్ చేశానని’ చెప్పాడు.
చైతన్య ఇష్టాయిష్టాలు ఎలా ఉన్నా.. అతను చెప్పిన ఆన్సర్ మాత్రం వందకి వంద శాతం కరెక్ట్. ఓ పాత్ర ఎలా చెబితే నటుడు అన్న వాడు అలా చేయాలి.ఒకవేళ నాగార్జున మహేష్ అభిమానిగా కనిపిస్తే.. ఆయన స్టార్ కాబట్టి కొంతలో కొంత ఇలాంటి ప్రశ్నలు అడిగినా ఓ అర్థం ఉంది. కానీ నాగ చైతన్య.. ఇంకా స్టార్ గా ఎదుగుతున్న హీరో. ఎక్కువగా అతను కమర్షియల్ సినిమాలు చేయడం లేదు. మరి అలాంటప్పుడు తప్పేమి ఉంది.
Most Recommended Video
రెండో సినిమా సెంటిమెంట్ నుండి తప్పించుకోలేకపోయిన టాలెంటెడ్ డైరెక్టర్ల లిస్ట్…!
హీరో తెలుగు – డైరెక్టర్ తమిళ్, డైరెక్టర్ తమిళ్- హీరో తెలుగు..వంటి కాంబోల్లో రాబోతున్న 11 సినిమాలు..!
ఐ.ఎం.డి.బి వారి లెక్కల ప్రకారం ఈ ఏడాది ప్రధార్థంలో టాప్ 10 మూవీస్ లిస్ట్..!
Home