ఒక సినిమా గురించి ఏళ్ల తరబడి చెప్పుకుంటున్నాం అంటే… అందులోనూ అది తెలుగు సినిమా అంటే… ఆ సినిమా ఎంతటి విజయం సాధించి ఉండాలి. అలాంటి ఓ సినిమా రెండేళ్లు పూర్తి చేసుకుంది. ఈ పాటికే మీకు అర్థమైపోయుంటుంది ఆ సినిమా ఏంటో. అవును రెండో పుట్టిన రోజు జరుపుకుటున్న మూడు ఆర్ల గురించే. ‘ఆర్ఆర్ఆర్’ అంటూ 2022 జనవరి 24న వచ్చింది ఆ సినిమా. ఇండియన్ బాక్సాఫీసు దగ్గర అనే రికార్డులు బద్దలు కొట్టింది.
అందుకే ఈ సినిమా సీక్వెల్ కావాలని రామ్చరణ్(Ram Charan), తారక్ (Jr NTR) అభిమానులే కాదు.. సినిమా సగటు ప్రేక్షకులూ కోరుకుంటున్నారు. ఆ విషయం పక్కనపెడితే… ఆ సినిమా ప్రచార సమయంలో రాజమౌళి (S. S. Rajamouli) ఊరించిన ఓ విషయం ఇప్పుడు సోషల్ మీడియలో చర్చగా మారింది. నిజానికి ఆ సినిమా వచ్చిన తొలి నాళ్లలో దీని గురించి బాగానే మాట్లాడుకున్నారు. కానీ టీమ్ నుండి ఎలాంటి స్పందన లేకపోవడంతో తర్వతర్వాత ఆ టాపిక్ చర్చ నుండి బయటకు వెళ్లిపోయింది.
అయితే రెండేళ్ల పండగ సందర్భంగా మళ్లీ ఆ టాపిక్ గురించి మాట్లాడుతున్నారు. అదే ‘ఆర్ఆర్ఆర్’కి ఇంకో వెర్షన్. అవును, మీరు చదివింది కరెక్టే. 2021 ఎండింగ్… 2022 ప్రారంభంలో రాజమౌళి అండ్ కో. ఈ సినిమా గురించి కొన్ని ఆసక్తికర విషయాలు చెప్పారు. ఈ క్రమంలో రాజమౌళి స్వయంగా రాజమౌళి చెప్పిన సినిమాకు మరో వెర్షన్ అనే టాపిక్ కూడా డిస్కషన్కి వచ్చింది.
‘ఆర్ఆర్ఆర్’ (RRR) సినిమా ప్రమోషన్స్ లో రాజమౌళి మాట్లాడుతూ సినిమా సీరియస్గా, ఇంటెన్స్గా ఉంటుందని, అయితే షూటింగ్ టైంలో తన టీం ఇంకో వెర్షన్ రెడీ చేసిందని చెప్పారు. సినిమాలోని ప్రతి సీన్కి మరో వెర్షన్ ఉంటుందని, అది వినోదాత్మకంగా ఉంటుందని చెప్పారు రాజమౌళి. సినిమా థియేట్రికల్ రిలీజ్ తర్వాత టైం చూసి ఆ వెర్షన్ రిలీజ్ చేస్తామని చెప్పారు. అయితే ఏమైందో ఏమో ఆ వెర్షన్ సంగతి ఎవరూ ఇప్పుడు మాట్లాడటం లేదు.
ఓం భీమ్ భుష్ సినిమా రివ్యూ & రేటింగ్!!
లైన్ మ్యాన్ సినిమా రివ్యూ & రేటింగ్!
ప్రముఖ బిగ్ బాస్ కంటెస్టెంట్ అరెస్ట్.. మేటర్ ఏంటి?
