Kalki 2898 AD: ‘కల్కి’ లీక్డ్‌ ట్రైలర్‌ ఏమైంది… జనాలకు అఫీషియల్‌గా చూపించరా?

‘కల్కి 2898 ఏడీ’ (Kalki 2898 AD) సినిమా నుండి ఇప్పటివరకు రెండు ట్రైలర్లు వచ్చాయి. ఒక దాంట్లో బుజ్జి, భైరవ, అశ్వత్థామ, కాశీ గురించి ఎక్కువగా చూపిస్తే.. మరో దాంట్లో అశ్వత్థామ గురించి ఎక్కువగా చూపించారు. అయితే ఈ రెండూ కాకుండా మరో ట్రైలర్‌ ఉంది. అదేంటి సినిమా రిలీజ్‌కు ఇంకా మూడు రోజులే ఉంది ఇంకో ట్రైలర్‌ ఎందుకు అనే డౌట్‌ రావొచ్చు. అయితే ఈ ట్రైలర్‌ ఇప్పటికే జనాల్లోకి వచ్చేసింది.

అవును, మీరు చదివింది కరెక్టే. సినిమా ప్రచారాన్ని టీమ్‌ ప్రారంభించకముందే ఓ ట్రైలర్‌ సోషల్‌ మీడియాలో వైరల్‌ అయింది. అది ఫైనల్‌ కట్టా లేక ఎడిటింగ్‌లో ఉన్నదా అనేది తెలియదు కానీ.. ఓ ట్రైలర్‌ అయితే ఆ మధ్య తెగ హల్‌ చల్‌ చేసింది. తర్వాత వైజయంతి మూవీస్‌ టీమ్‌ చాలా ప్రయత్నాలు చేసి ఆ ట్రైలర్‌ జనబాహుళ్యంలోకి ఎక్కువగా వెళ్లకుండా చూసుకున్నారు. అయితే దానిని ఎప్పుడైనా అఫీషియల్‌గగా తీసుకొస్తారు అనే వార్తలొచ్చాయి.

అంతేకాదు మొన్నీమధ్య ముంబయిలో జరిగిన ప్రీ రిలీజ్‌ ఈవెంట్‌ సందర్భంగా అక్కడున్నవారికి చూపించి, ఆ తర్వాత తెలుగులో ఎలాంటి ఈవెంట్‌ పెట్టకుండా రిలీజ్‌ చేసిన ట్రైలర్‌ బదులు ఆ లీక్డ్‌ ట్రైలర్‌ రిలీజ్‌ చేస్తారేమో అనే టాక్‌ కూడా వచ్చింది. కానీ కొత్త ట్రైలర్‌ రిలీజ్‌ చేశారు. ఆ లీక్‌ అయిన ట్రైలర్‌ ఊసు పత్తా లేకుండా పోయింది. దీంతో ఆ ట్రైలర్‌ ఎప్పుడు అనే చర్చ మళ్లీ మొదలైంది.

కొంతమంది నెటిజన్లు అయితే ఈ రెండు ట్రైలర్లు కంటే ఆ లీక్‌ అయిన ట్రైలర్‌ బాగుంది అని ట్రోల్‌ కూడా చేస్తున్నారు. అయితే ఆ ట్రైలర్‌ను అలానే వదిలేసి కొత్త ట్రైలర్లు కట్‌ చేశారు దర్శకుడు నాగ్‌ అశ్విన్‌ (Nag Ashwin). ఇక ప్రభాస్‌ (Prabhas)  – దీపిక పడుకొణె (Deepika Padukone)  – అమితాబ్‌ బచ్చన్‌ (Amitabh Bachchan) – కమల్‌ హాసన్‌ (Kamal Haasan) కాంబినేషన్‌లో రూపొందిన ఈ సినిమా ఈ నెల 27న ప్రేక్షకుల ముందుకు రానుంది. ధరలు అయితే తెలుగు రాష్ట్రాల్లో భారీగానే ఉండనున్నాయి.