రేణూది కూడా పవన్ స్వభావమే ..!

పవర్ స్టార్ పవన్ కళ్యాణ్ మాజీ భార్య రేణూ దేశాయ్ గురించి ప్రత్యేక పరిచయం అవసరం లేదు. అయితే పవన్ నుండీ విడిపోయాక ఈమె ఎక్కువగా వార్తల్లో నిలవడం మనం చూస్తూనే ఉన్నాం. ఇదిలా ఉంటే.. ఈమె తరచూ సోషల్ మీడియా లో బిజీగా ఉంటుంది. తన పిల్లల లేటెస్ట్ ఫోటోలు అలాగే తన మనసులోని భావాల్ని పోస్ట్ చేస్తూనే ఉంటుంది. అయితే ఇటీవల ఈమె పోస్ట్ చేసిన ఓ ఫోటో సోషల్ మీడియాలో వైరల్ గా మారింది. ఈ ఫోటోలో రేణు పక్కన ఇద్దరు గుర్తు తెలియని పిల్లలు ఉన్నారు.

అసలు విషయం ఏంటంటే.. ఇటీవల ఓ షూటింగ్ లొకేషన్ నుండీ వస్తున్న రేణూ.. కారు పంక్చర్ అయ్యిందట. ఈ క్రమంలో అక్కడ ప్రదేశంలోని ఇళ్లకు వెళ్తే .. అక్కడి జనం ఈమెకు అతిధి మర్యాదలు చేసారట. తినడానికి తిండి కోసం వారు చాలా కష్టపడుతుంటారట. అయినప్పటికీ ఈమెకు ఉప్మా, టీ ఇచ్చారట. ఆ రాత్రి పూట అక్కడే గడిపిందట రేణు. ఆ సమయంలో అక్కడి పిల్లలతో తీసుకున్న ఫోటో ఇదని తెలుస్తుంది. ‘మనం కలిగి ఉన్న దాంట్లో నుండీ దానం చేయడానికి .. ఒకటికి రెండు సార్లు ఆలోచిస్తాం. కానీ వాళ్ళకి ఎమీ లేకపోయినా.. వాళ్ళకి కలిగినది అంతా ఇచ్చే స్వభావం వారిది’ అంటూ ఆ ఫొటోలను షేర్ చేస్తూ పేర్కొంది. ఈ పోస్ట్ చూసిన పవన్ అభిమానులు.. మురిసిపోతూ .. రేణూది కూడా పవన్ స్వభావమే’ అంటూ కామెంట్లు పెడుతున్నారు.

సరిలేరు నీకెవ్వరు సినిమా రివ్యూ & రేటింగ్!
అల వైకుంఠపురములో సినిమా రివ్యూ & రేటింగ్!
ఎంత మంచివాడవురా సినిమా రివ్యూ & రేటింగ్!