బాలీవుడ్‌ ‘రామాయణం’… సీత విషయంలోనే చిక్కంతా?

రామాయణ మహాకావ్యాన్ని సినిమాగా తీయాలని దేశంలోని చాలా ఇండస్ట్రీలు ఏళ్లుగా ప్రయత్నాలు చేస్తూనే ఉన్నాయి. ఎప్పుడో చాలా కాలం క్రితం రామాయణం సినిమా వచ్చింది. ఆ తర్వాత చాలా మంది ప్రయత్నాలు చేసినా ఫలించలేదు. తెలుగు నుండి రాజమౌళి ఈ ప్రయత్నం చేస్తానని చెప్పారు కానీ టైమ్‌ పడుతుంది అన్నారు. రామచరితం గురించి త్రివిక్రమ్‌ కూడా ఓ వెర్షన్‌ రాస్తున్నారని విన్నాం. కానీ ఈ దిశగా ప్రముఖ దర్శకుడు నితీశ్‌ కుమార్‌ కాస్త వేగంగా అడుగులు వేస్తున్నారు.

ఈ క్రమంలో సినిమాఓల హీరోయిన్‌ ఎవరు అనే ప్రశ్న మళ్లీ ఇప్పుడు వినిపిస్తోంది. అదేంటి ఆ పాత్రలో సాయిపల్లవి ఫిక్స్‌ అన్నారు కదా అంటారా? అవును ఆ వార్తలు రావడం నిజమే కానీ… ఇప్పుడు మళ్లీ ఆమెకు ఆల్టర్నేట్ ఎవరు అనే ఆలోచనలో టీమ్‌ పడింది అంటున్నారు. ఒకవేళ సాయిపల్లవి నో చెబితే… మరొకరిని అప్పటికప్పుడు ఓకే చేసుకునే కన్నా వేరే హీరోయిన్‌ని ఇప్పుడు ఓకే చేసి పెట్టుకుంటే ప్రాజెక్ట్‌కి ఇబ్బంది ఉండదు కదా అనేది వాళ్ల ఆలోచన అంటున్నారు.

ఈ క్రమంలో ఫస్ట్ ఛాయిస్‌గా జాన్వీ కపూర్‌ను అనుకుంటున్నారట టీమ్‌. నిజానికి జాన్వీ కపూర్‌ ఇమేజ్‌కి, ఆమె లుక్స్‌కి ఆ పాత్ర అంత సూట్‌ కాదు అనే విమర్శలు వినిపిస్తున్నా… గతంలో ఇలాంటి ఇమేజ్‌ ఉన్న వాళ్లు సీతగా నటించారు అని గుర్తుచేస్తున్నారు. ఈ సినిమా కోసం దర్శకుడు నితీశ్‌ తివారి ఇప్పటికే లుక్‌ టెస్టుల గురించి ఆలోచనలు చేస్తున్నారట. త్వరలో ఈ విషయంలో క్లారిటీ వచ్చేస్తుంది అంటున్నారు. ఆమె కాకపోతే మరో హీరోయిన్‌ను ఎంపిక చేసే పనిలోనూ ఉన్నారట.

నితీశ్‌ కుమార్‌ ‘రామాయణం’ (Ramayan) సినిమాలో రాముడిగా ప్రముఖ బాలీవుడ్‌ కథానాయకుడు రణ్‌బీర్‌ కపూర్‌ నటించనుండగా… రావణుడిగా ‘కేజీయఫ్‌’ స్టార్‌ యశ్‌ నటిస్తాడట. తమిళ నటుడు విజయ్‌ సేతుపతి రావణుడి సోదరుడు విభీషణుడి పాత్రలో నటిస్తారట. సౌత్‌లో మూడు ఇండస్ట్రీల నుండి నటులను తీసుకున్నారు నితీశ్‌. మరి టాలీవుడ్‌లో నుండి ఎవరు నటిస్తారు అనేది ఆసక్తిగా మారింది. మామూలుగా ఇలాంటి ప్రాజెక్టులకు మన దగ్గర నుండి రానా పార్టిసిపేషన్‌ ఉంటుంది.

అంబాజీపేట మ్యారేజ్ బ్యాండ్ సినిమా రివ్యూ & రేటింగ్!

మిస్ పర్ఫెక్ట్ వెబ్ సిరీస్ రివ్యూ & రేటింగ్!
బూట్‌కట్ బాలరాజు సినిమా రివ్యూ & రేటింగ్!