విజయ్ దేవరకొండ (Vijay Devarakonda) , నాని (Nani) అటు క్లాస్ ప్రేక్షకులలో ఇటు మాస్ ప్రేక్షకులలో మంచి గుర్తింపును సొంతం చేసుకుని క్రేజ్ ను పెంచుకున్నారు. విజయ్ దేవరకొండ, నానిలలో నంబర్ వన్ ఎవరనే ప్రశ్నకు భిన్నాభిప్రాయాలు వ్యక్తమవుతూ ఉంటాయి. అయితే ఒక సర్వే సంస్థ టైర్2 హీరోలకు సంబంధించి సర్వే చేయడంతో పాటు ఆ సర్వే ఫలితాలను ట్విట్టర్ వేదికగా ప్రకటించడం జరిగింది. ఆ సర్వే ఫలితాలు ఇప్పుడు నెట్టింట వైరల్ అవుతున్నాయి.
ఈ సర్వే ఫలితాలలో టాప్1 స్థానంలో విజయ్ దేవరకొండ నిలవడం గమనార్హం. వాస్తవానికి ఈ మధ్య కాలంలో విజయ్ దేవరకొండ నటించిన సినిమాలలో మెజారిటీ సినిమాలు ఆశించిన స్థాయిలో ఫలితాలను సొంతం చేసుకోలేదు. అయినప్పటికీ విజయ్ దేవరకొండకు యూత్ లో ఊహించని స్థాయిలో క్రేజ్ ఉండటంతో ఆయనకు నంబర్ వన్ స్థానం దక్కిందని సోషల్ మీడియాలో కామెంట్లు వ్యక్తమవుతున్నాయి.
ఈ సర్వేలో నాని మాత్రం సెకండ్ ప్లేస్ లో నిలిచారు. దసరా (Dasara) , హాయ్ నాన్న (Hi Nanna) సినిమాలతో నాని బ్యాక్ టు బ్యాక్ బ్లాక్ బస్టర్ హిట్లను అందుకున్నారు. స్కంద (Skanda) సినిమాతో యావరేజ్ హిట్ అందుకున్న రామ్ పోతినేని (Ram) ఈ జాబితాలో మూడో స్థానంలో నిలిచారు. దూత (Dhootha) వెబ్ సిరీస్ తో సూపర్ హిట్ అందుకున్న నాగచైతన్య (Naga Chaitanya) నాలుగో స్థానంలో నిలవడం గమనార్హం. విరూపాక్ష (Virupaksha) , బ్రో (Bro) సినిమాలతో హిట్లు అందుకున్న సాయితేజ్ (Sai Dharam Tej) ఈ జాబితాలో ఐదో స్థానంలో నిలిచారు.
మరో టాలెంటెడ్ హీరో నిఖిల్ (Nikhil Siddhartha) ఈ జాబితాలో ఆరో స్థానాన్ని సొంతం చేసుకున్నారు. యంగ్ హీరో నవీన్ పోలిశెట్టి (Naveen Polishetty) ఈ జాబితాలో ఏడో స్థానంలో నిలవగా టాలెంటెడ్ హీరో అడివి శేష్ (Adivi Sesh) ఎనిమిదో స్థానంలో నిలిచి ఆశ్చర్యపరిచారు. ఈ మధ్య కాలంలో సరైన హిట్ లేని శర్వానంద్ (Sharwanand) ఈ జాబితాలో తొమ్మిదో స్థానంలో నిలిచారు. మరో ప్రముఖ హీరో వరుణ్ తేజ్ కు (Varun Tej) ఈ జాబితాలో పదో స్థానం దక్కింది.
