సినిమా ప్రచారంలో ప్రీరిలీజ్‌ ఈవెంట్‌ ఇప్పుడు చాలా కీలకం. సినిమా మీద హైప్‌ రావాలన్నా, ఓపెనింగ్‌ వసూళ్లు బాగుండాలన్నా ప్రీరిలీజ్‌ ఈవెంట్‌ సూపర్‌ హిట్ అవ్వాలి అనుకుంటుంటారు. ఒకసారి ఓపెనింగ్స్‌ బాగుంటే… తర్వాత ఆ జోరు కొనసాగుతుంది. అయితే సినిమా హీరో రాకుండా… ఈవెంట్‌ చేస్తే ఎలా ఉంటుంది. కొంచెం ఇబ్బందే. కానీ అలాంటి పరిస్థితే ఇప్పుడు ‘రిపబ్లిక్‌’కి వచ్చింది. కథానాయకుడు సాయిధరమ్‌తేజ్‌ ఇటీవల ప్రమాదవశాత్తు గాయపడిన విషయం తెలిసిందే. దీంతో టాలీవుడ్‌ వర్గాల్లో కొత్త చర్చ జరుగుతోంది.
అక్టోబరు 1న ‘రిపబ్లిక్‌’ సినిమాను విడుదల చేయాలని చిత్రబృందం చాలా రోజుల క్రితమే నిర్ణయించింది. ప్రచారం కూడా ఓ మోస్తరుగా ప్రారంభించారు. ఇక జోరందుకుంటుంది అనుకుంటుండగా సాయిధరమ్‌తేజ్‌కి యాక్సిడెంట్‌ అయ్యింది. దీంతో త్వరలో నిర్వహించాల్సిన ప్రీరిలీజ్‌ ఈవెంట్‌కి ఆయన అందుబాటులో ఉండరు. మరి ఈ ఈవెంట్‌కి ఎవరొస్తారు, ఏం చేస్తారు అనేదే ఇప్పుడు జరుగుతున్న చర్చ. ‘రిపబ్లిక్‌’ ఈవెంట్‌కి ఎవరొస్తారు అనే ప్రశ్నకు టాలీవుడ్‌లో వినిపిస్తున్న పేర్లు చిరంజీవి, పవన్ కల్యాణ్‌.
ఈ ఇద్దరూ ఈవెంట్‌కి వచ్చి సినిమాను ప్రచారం చేస్తారని అంటున్నారు. అయితే మొత్తం మెగా కుటుంబం అంతా వస్తుంది అనే మాటలూ వినిపిస్తున్నాయి. దీనిపై త్వరలో కావాల్సిన క్లారిటీ వచ్చేలా కనిపిస్తోంది. మరోవైపు సాయిధరమ్‌తేజ్‌ క్రమంగా కుదుటపడుతోంది.
Most Recommended Video
‘బిగ్ బాస్5’ మానస్ గురించి ఈ 10 విషయాలు మీకు తెలుసా?
‘బిగ్ బాస్5’ లహరి షెరి గురించి ఈ 10 విషయాలు మీకు తెలుసా?
‘బిగ్ బాస్5’ ప్రియా గురించి ఈ 12 విషయాలు మీకు తెలుసా?
Home
