‘కల్కి 2898 ఏడీ’ (Kalki 2898 AD) సినిమా ప్రీ రిలీజ్‌ ఈవెంట్‌ లాంటి ఓ ప్రెస్‌మీట్‌ కమ్‌ ఇంటరాక్షన్‌ పెట్టారు గుర్తుందా? సినిమాకు సంబంధించిన విషయాలు కాకుండా.. సినిమాలో నటించడం ఎలా అనిపించిందో అనే వివరాలను ఆ వేడుకలో చెప్పింది టీమ్‌. ఆ విషయం పక్కన పెట్టేస్తే ఆ ప్రోగ్రామ్‌కి కథానాయిక దీపిక పడుకొణె (Deepika Padukone) ధరించిన డ్రెస్, ఆర్నమెంట్స్‌ గురించి ఇప్పుడు సోషల్‌ మీడియాలో పెద్ద ఎత్తున చర్చ జరుగుతోంది. దానికి కారణం వాటి భారీ ధరే.
గర్భవతి కావడంలో దీపిక పడుకొణె ఇటీవల సినిమాలకు, ప్రచార కార్యక్రమాలకు దూరంగా ఉంది. అయితే ఆమె కెరీర్‌లోనే అతి పెద్ద సినిమా అయిన ‘కల్కి 2898 ఏడీ’ సినిమా ప్రచారానికి ఆమె దూరం కాలేదు. ఇటీవల ముంబయిలో జరిగిన ఈవెంట్‌కు బ్యూటిఫుల్‌ బ్లాక్‌ కలర్‌ డ్రెస్‌తో వచ్చి అదరగొట్టింది. ఈ క్రమంలో వాటి ధర, ప్రత్యేకతలు తెలిశాయి. దీంతో వాటి గురించే ఇప్పుడు ఎక్కువగా మాట్లాడుతున్నారు.
‘కల్కి 2898 ఏడీ’ ముంబయి ప్రీ రిలీజ్‌ ఈవెంట్‌కి ఆమె ధరించిన దుస్తుల విలువ రూ. లక్ష నుంచి రూ. లక్షన్నర వరకు ఉంటుందని అంచనా వేస్తున్నారు. అలాగే ఆమె వేసుకొచ్చిన చెప్పుల ధర రూ. 40 వేలక పైనే ఉంటాయట. అలాగే ఆమె ధరించిన కార్టియర్ ఆభరణాల ధర రూ.లక్ష పైమాటే అని చెబుతున్నారు. ఇక మణికట్టుకు పెట్టుకున్న డైమండ్ బ్రాస్‌లెట్‌ విలువ రూ. 50 లక్షలు ఉంటుందని అంచనా వేస్తున్నారు. అలా ఆమె ‘కల్కి’ ఈవెంట్‌కి కోటిన్నర రూపాయల డ్రెస్సింగ్‌తో వచ్చిందని లెక్కలేస్తున్నారు.
‘కల్కి’ ఈవెంట్‌ను డార్క్ థీమ్‌తో రన్‌ చేశారు. అందుకే దీపిక కూడా బ్లాక్‌ డ్రెస్‌లో బేబీ బంప్‌తో వచ్చి అదరగొట్టింది. పనిలోపనిగా తన ఫ్యాషన్‌ సెన్స్‌ గురించి కూడా చూపించింది అని అంటున్నారు. సినిమాలో భారీ బడ్జెట్‌ అనుకుంటే.. దీపిక లుక్‌ కూడా భారీ బడ్జెట్‌ అని చెప్పొచ్చు. ఇక ఈ సినిమా ఈ నెల 27న రిలీజ్‌ అవుతుంది.
