Dhruva Natchathiram : ‘ధృవ నక్షత్రం’ ట్రైలర్‌ అదిరింది… పాత ప్రశ్న మళ్లీ వచ్చింది?

కొన్ని సినిమాల టీజర్‌, ట్రైలర్‌లు చూసినప్పుడు… ఇందులో ఏదో స్పెషాలిటీ ఉంది, సినిమాకు విజయం పక్కా అని అనిపిస్తుంటుంది. అయితే సినిమా వచ్చాక ఫలితం ఎలా ఉంటుందో మనకు తెలియదు అనుకోండి. ఆ విషయం పక్కనపెడితే.. అలాంటి ఫీలింగ్‌ కలిగించిన లేటెస్ట్ చిత్రం ‘ధృవ నక్షత్రం’. ఈ సినిమా తమిళ వెర్షన్‌ ‘ధృవ నట్చిత్రం’ ట్రైలర్‌ను ఇటీవల విడుదల చేశారు. సినిమా జానర్‌, ప్రత్యేకతలు తెలిపేలా ట్రైలర్‌ ఉందని చెప్పొచ్చు. అయితే ఒక్క ప్రశ్నకు మాత్రం సమాధానం దొరకలేదు.

విక్రమ్‌ హీరోగా గౌతమ్‌ మీనన్‌ ఎప్పుడో 2016లో ‘ధృవ నట్చిత్రం’ సినిమాను ప్రారంభించారు. అయితే ఆ తర్వాత ఇద్దరూ వేర్వేరు సినిమాలు చేసుకుంటూ వస్తున్నారు కానీ ఆ సినిమా అయితే విడుదల కాలేదు. ఆ మాటకొస్తే ఆ ప్రయత్నం కూడా జరగలేదు. అయితే ఎట్టకేలకు సినిమాకు రిలీజ్‌ డేట్‌ ఇచ్చారు. నవంబరు 24న సినిమాలను విడుదల చేయడానికి నిర్ణయం తీసుకున్నారు. అందులో భాగానే సినిమా ట్రైలర్‌ను విడుదల చేశారు. త్వరలో తెలుగు ట్రైలర్‌ కూడా వస్తుందంటున్నారు.

(Dhruva Natchathiram)ట్రైలర్‌లో కంటెంట్ చూస్తే చాలా ఆసక్తికరంగా ఉంది. తీవ్రవాదుల దుశ్చర్యలను ఆపేందుకు బేస్‌మెంట్ పేరుతో 11 మంది స్పెషల్ టీమ్‌ను సిద్ధం చేస్తారు. వీళ్లు ఏం చేసినా అడ్డుపడే వాళ్లు ఉండకుండా అన్ని అధికారాలు ఇస్తారు. తీవ్రవాదుల్ని పట్టుకోవడానికి వాళ్లు ఏ దేశమైన వెళ్లొచ్చు. ఏం కావాలన్నా చేయొచ్చు. వీళ్లలో జాన్‌ చాలా అగ్రెసివ్. దేశం కోసం జాన్‌ అండ్‌ కో. ఏం చేశారు అనేదే సినిమా కథ.

‘ధృవ నక్షత్రం2 సినిమాను రెండు పార్టులుగా విడుదల చేస్తున్నారు. వచ్చే ఏడాది ప్రారంభంలో విడుదల చేయడానికి ప్లాన్ చేస్తున్నారు. ఇదంతా ఓకే కానీ… ఇంతటి మంచి కంటెంట్‌ను ఇన్నేళ్లు ఎందుకు ఆపారు, సినిమా ఎందుకు త్వరగా పూర్తి చేయలేకపోయారు అనే డౌట్స్‌ చాలానే ఉన్నాయి. సినిమా ప్రచారం సమయంలో ఈ విషయంలో ఏమైనా క్లారిటీ వస్తుందేమో చూడాలి.

భగవంత్ కేసరి సినిమా రివ్యూ & రేటింగ్!

లియో సినిమా రివ్యూ & రేటింగ్!
టైగర్ నాగేశ్వరరావు సినిమా రివ్యూ & రేటింగ్!