మహేష్ ఒక్కడే వెనుక బడితే ఫ్యాన్స్ కి కోపం రాదా..!

టాలీవుడ్ స్టార్ హీరోలందరూ మూకుమ్మడిగా పాన్ ఇండియా చిత్రాలపై పడ్డారు. ఎన్టీఆర్, చరణ్ లు మొదలుకొని, బన్నీ, పవన్ అందరూ పాన్ ఇండియా చిత్రాలు చేస్తున్నారు. వీరి చిత్రాలన్నీ పలు భాషలలో దేశవ్యాప్తంగా విడుదల కానున్నాయి. ఆర్ ఆర్ ఆర్ మూవీతో ఎన్టీఆర్, చరణ్ ఎంట్రీ ఇస్తుండగా పవన్ కళ్యాణ్ క్రిష్ దర్శకత్వంలో తెరకెక్కుతున్న పీరియాడిక్ మూవీ పాన్ ఇండియా చిత్రంగా విడుదల కానుంది. ఇక లేటెస్ట్ గా బన్నీ అందరికీ షాక్ ఇస్తూ సుకుమార్ తో చేస్తున్న మూవీ పాన్ ఇండియా మూవీగా ఐదు భాషలలో విడుదల అవుతుందంటూ ప్రకటించారు.

ప్రభాస్ ఇప్పటికే మూడు పాన్ ఇండియా రిలీజ్ లు మరియు బ్లాక్ బస్టర్ హిట్స్ తో ఎవరికీ అందనంత ఎత్తులో ఉన్నారు. ఈ లిస్ట్ లో మిస్సైన ఒకే ఒక పేరు మహేష్. మరి మహేష్ సంగతేంటి అంటే ప్రస్తుతానికి జవాబు లేదు. మహేష్ ప్యాన్స్ ఎప్పటి నుండో ఆయన పాన్ ఇండియా మూవీ చేయాలని కోరుకుంటున్నారు. ఒక దశలో రాజమౌళితో మూవీ సెట్టై ఎందుకో వెనక్కు వెళ్ళింది. మరి టాలీవుడ్లో టాప్ హీరోగా ఉన్న మహేష్ పాన్ ఇండియా చేయకపోవడం ఫ్యాన్స్ ని ఇబ్బంది పెట్టే అంశమే.

ఇతర హీరో ఫ్యాన్స్ ముందు వారు తల ఎత్తుకోలేని పరిస్థితి ఏర్పడుతుంది. ఈ విషయంలో మహేష్ ఫ్యాన్స్ చాలా సీరియస్ గా ఉన్నారట. మహేష్ తన నెక్స్ట్ మూవీ పాన్ ఇండియా ప్రకటించాలని పట్టుబడుతున్నారట. మహేష్ సైతం యూనివర్సల్ అప్పీల్ కలిగి పాన్ ఇండియా మూవీకి స్కోప్ ఉన్న కథకే ఓటేయాలని నిశ్చయించుకున్నారట. ఫ్యాన్స్ కోసమైనా పాన్ ఇండియా సినిమా ప్రకటించాల్సిన పరిస్థితి మహేష్ కి ఏర్పడింది.

Most Recommended Video

టాలీవుడ్ టాప్ హీరోల వరస్ట్ లుక్స్ ఇవే!
17 ఏళ్లలో అల్లు అర్జున్ రిజెక్ట్ చేసిన సినిమాలు ఇవే!
బుల్లితెర పై రికార్డులు క్రియేట్ చేసిన సినిమాలు ఇవే!