అప్‌డేట్స్‌ వస్తున్నాయి.. షూట్స్‌ లేవు.. రూమర్స్‌ వస్తున్నాయి.. నమ్మకాల్లేవ్‌!

టాలీవుడ్‌లో సినిమాల రిలీజ్‌ డేట్స్‌ విషయంలో వాయిదాలు ఉండొచ్చు కానీ.. షూటింగ్‌ ప్రారంభం విషయంలో వాయిదాలు ఉంటాయని ఎప్పుడూ అనుకోలేదు. సినిమా ఉంది అని చెప్పాక.. క్యాన్సిల్‌ అయ్యిందనో, కుదర్లేదనో చెప్పే విషయాలు చాలా తక్కువ. అలాగే వాయిదా అనే మాట కూడా చాలా తక్కువగా వినిపిస్తూ ఉంటుంది. అయితే ఇప్పుడు టాలీవుడ్‌లో చూస్తుంటే స్టార్‌ హీరోల సినిమాలకు సంబంధించి వస్తున్న అప్‌డేట్స్‌, పుకార్లను ఏ మాత్రం నమ్మలేకపోతున్నాం. ఎందుకంటే వాటిలో ఏవి నిజమవుతాయో, ఏవి ముందుకెళ్తాయో చెప్పలేకపోతున్నాం.

ఆ హీరో, ఈ హీరో అని కాదు, ఏ హీరో అయినా ఇదే పరిస్థితి అని చెప్పాలి. అయితే సినిమాల వాయిదాలకు ఎవరి కారణాలు వారికి ఉండొచ్చు. అయితే అనుకున్న సమయానికి సినిమాలు మొదలవ్వకపోతే ఆ నిర్మాత, డేట్స్‌ చూసే టీమ్‌ ఎంత ఇబ్బంది పడతారో ప్రత్యేకంగా చెప్పక్కర్లదేదు. శంకర్‌ – రామ్‌చరణ్‌ కాంబినేషన్‌లో రూపొందుతున్న సినిమా మొన్న సంక్రాంతికి రావాలి.. ఇప్పుడు వచ్చే సంక్రాంతి అంటున్నారు కానీ నమ్మకంగా చెప్పలేకపోతున్నారు. ఇక ‘పుష్ప 2’ సినిమా సంగతి సరేసరి. ఎప్పుడు మొదలైందో కూడా కరెక్ట్‌గా చెప్పలేని పరిస్థితి.

తారక్‌ – కొరటాల శివ సినిమా వాయిదాలు పడుతూ పడుతూ మార్చి 23న మొదలవుతోంది. ఎప్పుడో ‘ఆర్‌ఆర్‌ఆర్‌’ రిలీజ్‌ అయిన వెంటనే షూటింగ్‌ స్టార్ట్‌ అన్నారు.. అప్పటి నుండి ప్రతి నెలా ఇదిగో అదిగో అంటూ ఇప్పటికి తెచ్చారు. సుమారు చెప్పిన డేట్‌కి ఏడాది తర్వాత పెడుతున్నారు ఓపెనింగ్‌. ఇక మహేష్‌ – త్రివిక్రమ్‌ సినిమా సంగతి సరేసరి. ఓ షెడ్యూల్ అయ్యాక మొత్తం కథ, సెటప్‌ మారిపోయింది అని చెబుతున్నారు. మొన్న సంక్రాంతి తర్వాత అన్నారు, ఫిబ్రవరిలో అన్నారు. ఇప్పటివరకు ఎలాంటి ఉలుకూ పలుకూ లేదు.

ఇక పవన్‌ కల్యాణ్ సినిమాల గురించి ప్రత్యేకంగా చెప్పక్కర్లేదు. ఏ సినిమా సెట్స్‌ మీద ఉంది, ఏ సినిమా ఎప్పుడు వస్తుంది అనే విషయంలో ఆయనకు కూడా తెలియదు అని చెప్పొచ్చు. ప్రభాస్ సినిమాలు అన్నీ సెట్స్‌ మీద ఉన్నాయి. కానీ ఆయన అనారోగ్యంతో షూటింగ్స్‌కి రావడం లేదు అని రూమర్స్‌ వినిపిస్తున్నాయి. దీంతో అప్‌డేట్స్‌ వస్తున్నాయి.. షూట్స్‌ లేవు.. రూమర్స్‌ వస్తున్నాయి.. నమ్మకాల్లేవ్‌ అని ఫ్యాన్స్‌ అనుకుంటున్నారు.

హీలీవుడ్‌లో నటించిన 15 మంది ఇండియన్ యాక్టర్స్ వీళ్లే..!
టాలీవుడ్‌లో గుర్తింపు తెచ్చుకున్న 10 మంది కోలీవుడ్ డైరెక్టర్స్ వీళ్లే..!

తు..తు…ఇలా చూడలేకపోతున్నాం అంటూ…బాడీ షేమింగ్ ఎదురుకున్న హీరోయిన్లు వీళ్ళే
నాగ శౌర్య నటించిన గత 10 సినిమాల బాక్సాఫీస్ పెర్ఫార్మన్స్ ఎలా ఉందంటే?