రవితేజకు రాశీఖన్నాపై అంత ఇంట్రెస్ట్ ఎందుకు ?

మాస్ మహారాజ రవితేజ  ‘బెంగాల్‌ టైగర్‌’ విడుదలైన తర్వాత  సరిగ్గా 420 రోజులకు కొత్త సినిమాను మొదలుపెట్టారు. విక్రమ్  సిరికొండ ద‌ర్శ‌క‌త్వంలో ల‌క్ష్మీ న‌ర‌సింహ ప్రొడ‌క్ష‌న్స్ ప‌తాకంపై న‌ల్ల‌మ‌లుపు శ్రీనివాస్ (బుజ్జి), వ‌ల్ల‌భ‌నేని వంశీమోహ‌న్ నిర్మాణంలో “ట‌చ్ చేసి చూడు” చిత్రాన్ని ప్రారంభించారు. కొన్ని రోజుల తేడాలోనే అనిల్ రావిపూడి దర్శకత్వంలో ‘రాజా ది గ్రేట్’ మూవీని పట్టాలెక్కించారు. దీనిని దిల్ రాజు నిర్మించనున్నారు. లాంగ్ గ్యాప్ తర్వాత వెనువెంటనే రెండు చిత్రాలను రవితేజ ఆరంభించడం పెద్ద స్పెషల్ కాదు కానీ ఈ రెండింటిలో రాశీఖన్నా హీరోయిన్ గా ఎంపిక కావడం టాలీవుడ్ లో చర్చనీయాంశమయింది. కారణం ఏమిటని ఆరాతీస్తే అసలు విషయం బయట పడింది. రవితేజ్, రాశీఖన్నా కలిసి బెంగాల్ టైగర్ సినిమాలో నటించారు. ఈ సమయంలో ఇద్దరు మంచి స్నేహితులుగా మారారు.

ఆ తరవాత దిల్ రాజు మూవీ మొదలయింది. ఇందులో రాశీఖన్నాను హీరోయిన్ గా ఎంచుకున్నారు. అయితే అప్పుడు ఆ చిత్రం ఆగిపోయింది. అందుకే ఆయన మళ్ళీ తన సినిమాలో రాశీకి అవకాశం ఇచ్చారు. అంతేకాదు ఇద్దరి జంట స్క్రీన్ పై చూడముచ్చటగా ఉందని అందరూ చెప్పడంతో ఆమెనే హీరోయిన్ గా తీసుకోమని సిరికొండ కి చెప్పారంట. అదీ సంగతి. “ట‌చ్ చేసి చూడు” లో లావణ్యతో కలిసి, ‘రాజా ది గ్రేట్’ లో  మెహ్రీన్ తో కలిసి రాశీ స్క్రీన్ ని పంచుకోనుంది.

Also, do SUBSCRIBE to our YouTube channel to get latest Tollywood updates.