పుష్ప ది రైజ్ బ్లాక్ బస్టర్ హిట్ కావడంతో ఓవర్ నైట్ లో స్టార్ హీరోగా బన్నీ పాపులారిటీ ఊహించని స్థాయిలో పెరిగింది. బాలీవుడ్ ఆడియన్స్ బన్నీ నటనను చూసి ఫిదా అయ్యారు. తగ్గేదేలే అనే డైలాగ్ తో బన్నీ దేశవ్యాప్తంగా ఫేమస్ అయ్యారు. బన్నీకి సోషల్ మీడియాలో ఫ్యాన్ ఫాలోయింగ్ కూడా ఊహించని స్థాయిలో పెరుగుతున్న సంగతి తెలిసిందే. అయితే తాజాగా అక్షయ్ కుమార్ బన్నీ గురించి మాట్లాడుతూ ఆసక్తికర వ్యాఖ్యలు చేశారు.
పృథ్వీరాజ్ ప్రమోషన్స్ లో భాగంగా త్వరలో అల్లు అర్జున్ తనతో వర్క్ చేయొచ్చని అక్షయ్ కుమార్ కామెంట్లు చేశారు. భవిష్యత్తులో జరిగేది ఇదేనని ఆయన చెప్పుకొచ్చారు. అయితే అక్షయ్ కుమార్ తో పోల్చి చూస్తే ప్రస్తుతం బన్నీకే ఎక్కువగా క్రేజ్ ఉంది. మరోవైపు బన్నీ మల్టీస్టారర్ల విషయంలో ఆచితూచి వ్యవహరిస్తున్నారు. తన పాత్ర హైలెట్ అయ్యే విధంగా ఉంటే మాత్రమే బన్నీ ఈ తరహా సినిమాలకు ఓటేస్తారు. గతంలోనే బన్నీకి బాలీవుడ్ నుంచి మల్టీస్టారర్ సినిమాలలో నటించే ఆఫర్ వచ్చినా బన్నీ ఆ ఆఫర్ ను సున్నితంగా రిజెక్ట్ చేశారు.
అయితే మీడియా నుంచి అక్షయ్ కుమార్ కామెంట్లకు సంబంధించి ప్రశ్నలు ఎదురైతే బన్నీ ఏ విధంగా రియాక్ట్ అవుతారో చూడాల్సి ఉంది. బన్నీ ప్రస్తుతం పుష్ప ది రూల్ పై పూర్తిస్థాయిలో దృష్టి పెట్టారు. జూన్ నెల నుంచి ఈ సినిమా రెగ్యులర్ షూటింగ్ మొదలుకానుంది. వచ్చే ఏడాది సమ్మర్ లో ఈ సినిమా రిలీజయ్యే ఛాన్స్ ఉందని ఇండస్ట్రీలో వినిపిస్తోంది.
బన్నీ, సుకుమార్ ఈ సినిమాకు రికార్డ్ స్థాయిలో రెమ్యునరేషన్ ను అందుకోనున్నారని సమాచారం అందుతోంది. బన్నీ ఇప్పటివరకు కొత్త ప్రాజెక్ట్ లను ప్రకటించలేదు. బన్నీ భవిష్యత్తు సినిమాలు సైతం పాన్ ఇండియా ప్రాజెక్ట్ లుగా తెరకెక్కనున్నాయి. బన్నీ మరెన్నో సంచలన విజయాలను అందుకోవాలని ఫ్యాన్స్ కోరుకుంటున్నారు.
Most Recommended Video
పెళ్లొద్దు.. సినిమాలే ముద్దు… అంటున్న 12 మంది నటీనటులు వీరే..!
తమ సొంత పేర్లనే సినిమాల్లో పాత్రలకి పెట్టుకున్న హీరోల లిస్ట్..!
ఈ 11 హీరోయిన్ల కాంబోలు అనేక సినిమాల్లో రిపీట్ అయ్యాయి..!
Home