Pushpa: పుష్ప మూవీ రిలీజ్ డేట్ మారనుందా..?

కరోనా విజృంభణ, లాక్ డౌన్ నిబంధనల వల్ల గతేడాది విడుదల కావాల్సిన చాలా సినిమాలు షూటింగ్ ఆలస్యం కావడంతో ఈ ఏడాది విడుదలవుతున్నాయి. స్టార్ హీరోల సినిమాల దర్శకనిర్మాతలు తమ సినిమాల విడుదలకు చాలా సమయం ఉన్నా ఇప్పటికే రిలీజ్ డేట్లను ప్రకటించారు. అయితే కొన్ని సినిమాలు మాత్రం చెప్పిన తేదీకి రావడం కష్టమేనని తెలుస్తోంది. బాలకృష్ణ బోయపాటి శ్రీను కాంబినేషన్ లో ప్రస్తుతం ఒక సినిమా తెరకెక్కుతున్న సంగతి తెలిసిందే.

మే 28వ తేదీన ఈ సినిమాను విడుదల చేయాలని బాలకృష్ణ, బోయపాటి శ్రీను భావించారు. అయితే ఈ సినిమా ఆ డేట్ కు రిలీజ్ కావడం కష్టమేనని ఇండస్ట్రీ వర్గాల్లో ప్రచారం జరుగుతోంది. అయితే ఈ సినిమాతో పాటు పుష్ప సినిమా కూడా ఆగష్టు 13న రిలీజ్ కావడం కష్టమేనని సమాచారం. సాధారణంగా సుకుమార్ సినిమాను నిదానంగా తెరకెక్కిస్తారని ఇండస్ట్రీలో పేరుంది. పుష్ప సినిమాను స్క్రిప్ట్ ప్రకారం ఎక్కువ భాగం అడవుల్లో చిత్రీకరించాల్సి ఉంది.

అడవుల్లో షూటింగ్ అంటే ఎక్కువ మంది సిబ్బంది అవసరమవుతుంది. కరోనా కేసులు అంతకంతకూ పెరుగుతుండటం పుష్ప చిత్రయూనిట్ ను టెన్షన్ పెడుతోందని తెలుస్తోంది. వేర్వేరు కారణాల వల్ల పుష్ప మూవీకి పదేపదే లొకేషన్లను మారుస్తూ ఉండటం కూడా ఆ సినిమా రిలీజ్ డేట్ పై ప్రభావం చూపుతున్నట్టు సమాచారం. ఆగష్టు 13న ఈ సినిమా విడుదల కాకపోవచ్చని ప్రచారం జరుగుతోంది. మరోవైపు బాలకృష్ణ బోయపాటి శ్రీను సినిమాకు ఇప్పటివరకు టైటిల్ ను ప్రకటించలేదు.

దాదాపు 40 శాతం షూటింగ్ జరగాల్సి ఉందని ప్రచారం జరుగుతుండగా ఈ వార్త నిజమైతే సినిమా అనుకున్న తేదీకి రిలీజ్ కావడం కష్టమేనని చెప్పవచ్చు. పుష్ప, బాలయ్య బోయపాటి మూవీ అనుకున్న తేదీకి రిలీజ్ అవుతాయో లేదో చూడాల్సి ఉంది.

Most Recommended Video

రంగ్ దే సినిమా రివ్యూ & రేటింగ్!
అరణ్య సినిమా రివ్యూ & రేటింగ్!
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!