టాలీవుడ్ ఇండస్ట్రీలో వేగంగా సినిమాలను తెరకెక్కించడంతో పాటు ఆ సినిమాలతో విజయాలను అందుకుంటూ కామెడీ సినిమాలను ఇష్టపడే ప్రేక్షకుల మనస్సు గెలుచుకుంటున్న దర్శకుడు ఎవరనే ప్రశ్నకు అనిల్ రావిపూడి పేరు సమాధానంగా వినిపిస్తుంది. పటాస్ నుంచి ఎఫ్3 సినిమా వరకు అనిల్ రావిపూడి డైరెక్షన్ లో తెరకెక్కిన సినిమాలన్నీ నిర్మాతలకు మంచి లాభాలను అందించడంతో పాటు హీరోలకు మంచి పేరు తెచ్చిపెట్టాయి. ఈ ఏడాది సమ్మర్ కానుకగా ఎఫ్3 సినిమా విడుదల కాగా ఈ సినిమా సక్సెస్ సాధించినా ఎఫ్2 స్థాయిలో ఆకట్టుకోలేదని కామెంట్లు వినిపించాయి.
తొలివారం బాగానే కలెక్షన్లు వచ్చినా మేజర్, విక్రమ్ సినిమాలకు పాజిటివ్ టాక్ రావడంతో ఫుల్ రన్ లో ఎఫ్3 సినిమా ఆశించిన స్థాయిలో కలెక్షన్లు రాలేదు. అయితే పరుచూరి గోపాలకృష్ణ ఎఫ్3 సినిమా గురించి ఒకింత ఘాటుగా స్పందించిన సంగతి తెలిసిందే. లాజిక్స్ లేని సన్నివేశాలను ఒప్పుకోని వెంకటేష్ ఎఫ్3 సినిమాను ఎలా ఒప్పుకున్నాడో అర్థం కావడం లేదని వెంకటేష్ 20 ఏళ్ల కొడుకు పాత్రలో నటించడం ఏంటని కామెంట్లు చేశారు.
పరుచూరి గోపాలకృష్ణ ఈ సినిమాలోని కొన్ని కామెడీ సీన్ల విషయంలో కూడా విమర్శలు చేశారనే సంగతి తెలిసిందే. ఈ కామెంట్ల గురించి అనిల్ రావిపూడి స్పందిస్తారేమో చూడాల్సి ఉంది. అనిల్ రావిపూడి ఎఫ్3 సినిమా విషయంలో లాజిక్స్ వదిలేసి కామెడీ సీన్స్ తో మ్యాజిక్ చేశారని క్రిటిక్స్ నుంచి అభిప్రాయాలు వ్యక్తమయ్యాయి. పలు టాలీవుడ్ హిట్ సినిమాలను మిక్స్ చేస్తే ఎఫ్3 అని ప్రేక్షకులలో ఎక్కువమంది కామెంట్లు చేశారు.
ప్రస్తుతం అనిల్ రావిపూడి బాలయ్య మూవీ స్క్రిప్ట్ పనులతో బిజీగా ఉన్నారు. దర్శకునిగా డబుల్ హ్యాట్రిక్ సాధించిన అనిల్ రావిపూడి బాలయ్య సినిమాతో మరో సక్సెస్ ను అందుకుంటారేమో చూడాల్సి ఉంది. పరుచూరి గోపాలకృష్ణ సందేహాలపై, ప్రశ్నలపై అనిల్ రావిపూడి రియాక్ట్ అవుతారో లేదో చూడాల్సి ఉంది.
Most Recommended Video
తరుణ్,ఎన్టీఆర్ టు కళ్యాణ్ రామ్.. సినిమాల్లో చనిపోయే పాత్రలు చేసిన స్టార్లు..!
చేయని తప్పుకి శాస్త్రవేత్తపై దేశద్రోహి కేసు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?
