Buchi Babu: బుచ్చిబాబు వారి రిక్వెస్ట్ ని స్వీకరిస్తాడా?

రామ్ చరణ్ (Ram Charan) , ‘ఉప్పెన’ దర్శకుడు బుచ్చిబాబు (Buchi Babu Sana) కాంబినేషన్లో ఓ పాన్ ఇండియా సినిమా రూపొందుతోంది. ‘గేమ్ ఛేంజర్’  (Game Changer) తర్వాత రాంచరణ్ నుండి రాబోతున్న సినిమా ఇది. బౌండ్ స్క్రిప్ట్ రెడీగా ఉంది. క్యాస్టింగ్ సెలక్షన్ అదే ప్రీ ప్రొడక్షన్ పనులు కూడా ఫుల్ స్వింగ్లో నడుస్తున్నాయి. జాన్వీ కపూర్ ని (Janhvi Kapoor)  హీరోయిన్ గా ఎంపిక చేశారు. ఎ. ఆర్.రెహమాన్ (AR Rahman)  ఈ చిత్రానికి సంగీతం అందిస్తున్నారు.తాజాగా ‘మీర్జాపూర్‌’ ఫేమ్ దివ్యేందు కూడా ఈ సినిమాలో ముఖ్య పాత్రకి ఎంపికయ్యారు.

Buchi Babu

మీర్జాపూర్ వెబ్ సిరీస్లో ‘మున్నా భయ్యా’ గా చాలా బోల్డ్ గా నటించాడు దివ్యేందు. మొదటి రెండు సిరీస్…లు హిట్ అయ్యాయి అంటే దానికి కారణం ఇతనే. ఇక రాంచరణ్- బుచ్చిబాబుల సినిమా నుండి అతని లుక్ ని కూడా రివీల్ చేశారు.ఈ సినిమా కోస్టల్ బ్యాక్ డ్రాప్లో రూపొందనుంది అని మొదటి నుండి ప్రచారం జరుగుతుంది. దివ్యేందు లుక్స్ చూస్తే అది నిజమే అనిపిస్తుంది.

రాంచరణ్ కెరీర్లో 16 వ సినిమాగా రూపొందుతోంది ఈ ప్రాజెక్టు. టైటిల్ ఇంకా ఫిక్స్ చేయలేదు. దివ్యేందు ఎంట్రీతో మరికొంత అట్రాక్షన్ గెయిన్ చేసింది ఈ ప్రాజెక్టు. అయితే దివ్యేందు విషయంలో తెలుగులో ఉన్న మున్నా భయ్యా ఫ్యాన్స్ దర్శకుడు బుచ్చిబాబుకి ఓ రిక్వెస్ట్ కూడా పెట్టుకున్నారు. అదేంటంటే ‘మీర్జాపూర్’ వెబ్ సిరీస్ లో దివ్యేందుకి ఎవరైతే డబ్బింగ్ చెప్పారో..

అతనితోనే ఈ సినిమాలో దివ్యేందు పాత్రకు డబ్బింగ్ చెప్పించాలట. మరి ఈ రిక్వెస్ట్ ను బుచ్చిబాబు స్వీకరిస్తాడో లేదో తెలియాల్సి ఉంది. అలాగే దివ్యేందుకి ఇందులో పాజిటివ్ రోల్ ఉంటుందా లేక నెగిటివ్ రోల్ ఉంటుందా అనేది కూడా ప్రస్తుతానికి సస్పెన్స్.