Inji Vellam: ‘అల్లం బెల్లం’.. తెలుగులో ఈ పేరు పెడతారా? పైత్యం చూపిస్తారా?

September 8, 2026 / 09:18 PM ISTByFilmy Focus Desk

Join Us

తెలుగు సినిమాలకు తెలుగులోనే పేర్లుండాలి అని కోరుకునే రోజులు ఎప్పుడో పోయాయి. వేరే భాషల్లో పేరు పెట్టినా తెలుగు వారికి అర్థమయ్యేలా, ఓ అర్థం ఉండేలా పేర్లు పెట్టండి అని కోరుకునే పరిస్థితి వచ్చింది. ఈ చర్చ ఇంకా జరుగుతున్న సమయంలో ఓ సినిమా రిలీజ్‌కి రెడీ అవుతోంది. విజయ్‌ సేతుపతి, సాయి పల్లవి కాంబినేషన్‌లో మణిరత్నం తెరకెక్కిస్తున్న సినిమా గురించే ఇదంతా. నిజానికి ఆయన తెలుగులో తెలుగు పేరే పెడతారు అనుకోండి.

Inji Vellam

ముందుగా సినిమా పేరు చూస్తే.. గత కొన్ని రోజులుగా కోల్‌కతా, చెన్నైలో తెరకెక్కిస్తున్న ఈ సినిమాక టైటిల్‌గా ‘ఇంజి వెల్లం’ అనే పేరు పెట్టారు. తెలుగులో ఈ పదాలకు అర్థం అల్లం.. బెల్లం. అవును మీరు చదివింది కరెక్టే. నేటి యువతను ఆకట్టుకునే అంశాలతో ఆధునిక ప్రేమకథగా ఈ సినిమా తీర్చిదిద్దుతున్నట్లు ఈ వీడియోతో అర్థమవుతోంది. కోల్‌కతా నేపథ్యంలో రూపొందుతున్న ఈ సినిమాను వచ్చే ఏడాది థియేటర్లలోకి తీసుకురానున్నారు.

మణిరత్నం, విజయ్‌ సేతుపతి, సాయిపల్లవి కాంబినేషన్‌ కాబట్టి ఈ సినిమాను తెలుగులో కూడా తీసుకొస్తారు. అయితే గ్లింప్స్‌ వీడియో ఇంకా తెలుగులో సిద్ధం కాకపోవడంతో రిలీజ్‌ చేయలేదని చెబుతున్నారు. అయితే తెలుగులో సినిమాను రిలీజ్‌ చేసేది ఎవరు అనే విషయం తేలకనే తెలుగులో టైటిల్‌ గ్లింప్స్‌ రిలీజ్‌ చేయలేదని సమాచారం. ఆ విషయం పక్కన పెడితే తెలుగులో ‘అల్లం బెల్లం’ అనే టైటిలే పెడతారా? లేక ఒక్కో భాషలో ఒక్కో టైటిల్‌ ఎందుకని ఇక్కడ కూడా ‘ఇంజి వెల్లం’ అనే పెడతారా అనేది చూడాలి.

పైన చెప్పినట్లు మణిరత్నం.. తెలుగు సినిమా వెర్షన్‌కు తెలుగు పేర్లే పెడుతుంటారు. తమిళ టైటిల్‌ ఇక్కడా పెట్టేసే పైత్యానికి పోరు. రీసెంట్‌ టైమ్స్‌లో ‘నవాబ్‌’, ‘చెలియా’, ‘ఓకే బంగారం’, ‘కడలి’ అలా వచ్చినవే. పూర్తి తెలుగు పేరు కాకపోయినా.. తెలుగలో అర్థం తెలిసిన పేరు అయితే పెడుతూ వచ్చారు. కానీ ‘పొన్నియిన్‌ సెల్వన్‌’ విషయంలో మాత్రం అలా జరగలేదు. దీంతోనే ఇప్పుడు ‘అల్లం బెల్లం’ విషయంలో డౌట్‌ వచ్చింది.