Ntr – Nelson: KHxRK సెట్‌ అయియింది ఓకే.. మరి తారక్‌ సినిమా లేనట్టేనా?

కోలీవుడ్‌లో కలల కాంబో ఫిక్స్‌ అయిపోయింది. ఇక టాలీవుడ్‌లో అలాంటి కాంబో ఫిక్స్ అవ్వడమే బాకీ అని గత కొన్ని రోజులుగా రకరకాల కామెంట్లు, వార్తలు వినిపిస్తూనే ఉన్నాయి. అవన్నీ KHxRK సినిమా గురించే అని మీకు అర్థమై ఉంటుంది. 47 ఏళ్ల తర్వాత కమల్‌ హాసన్‌ – రజనీకాంత్ కలసి ఓ సినిమా చేస్తుండటంతో ఆ సినిమా గురించి మాట్లాడుతూనే ఉన్నారు. సినిమా అలా ఉంటుంది, ఇటా ఉంటుంది అంటూ ఏవేవో గొప్పగా చెప్పుకుంటున్నారు. ఈ మాటలు టాలీవుడ్‌ వరకు వచ్చాయి కూడా.

Ntr – Nelson

ఈ ఆనంద క్రమంలో ఓ విషయం టాలీవుడ్‌ ప్రేక్షకులు మరచిపోయారు. అదే ఆ సినిమా దర్శకుడు నెల్సన్‌ దిలీప్‌ కుమార్‌ టాలీవుడ్‌ ఎంట్రీ. ఇప్పుడు గుర్తొచ్చిందా? తారక్‌ – నాగవంశీ కాంబినేషన్‌లో ఓ సినిమా ఉంటుందని, ఆ సినిమాకు నెల్సన్‌ దర్శకత్వం వహిస్తారని ఆ మధ్య పెద్ద ఎత్తున చర్చలు జరిగాయి. ‘వార్‌ 2’ సినిమా ప్రీ రిలీజ్‌ ఈవెంట్‌లో ఈ మేరకు తారక్‌ చిన్నగా లీక్‌ కూడా ఇచ్చాడు. నెక్స్ట్‌ సినిమా నాగవంశీ బ్యానర్‌లో నేరుగా చేస్తున్నా.. అని చెప్పాడు. ఆ సినిమాకు నెల్సన్‌ దర్శకుడు అని చెప్పలేదు కానీ.. ఆయనే అని బలంగా వార్తలొచ్చాయి.

ప్రశాంత్‌ నీల్‌ ‘డ్రాగన్‌’ సినిమా తర్వాత ఎన్టీఆర్‌ చేయబోయే సినిమా నెల్సన్‌దే అవుతుంది అని చెప్పారు కూడా. కానీ ఇప్పుడు చూస్తే ఆయన కమల్‌ హాసన్‌ – రజనీకాంత్‌ సినిమాకు రెడీ అవుతున్నారు. ఇప్పుడు రజనీకాంత్‌తో చేస్తున్న సినిమా తర్వాత KHxRK సినిమా పనుల్లో ఆయన బిజీగా ఉంటారని సమాచారం. 2027లో ఈ సినిమా మొదలవుతుంది అని చెబుతున్నారు. ఆ లెక్కన ఇప్పట్లో నెల్సన్‌ టాలీవుడ్‌ వచ్చి ఎన్టీఆర్‌తో సినిమా చేసే అవకాశం లేదు. మరి ఈ విషయంలో నాగవంశీ ఏమంటారో చూడాలి.

మొన్న ‘ఫంకీ’ సినిమా ఫలితం చూశాక.. ‘నేనేమైనా ‘సాగరసంగమం’ సినిమా చేశానని చెప్పానా’ అని వాదించినట్లు ఇప్పుడు నేనేమైనా అఫీషియల్‌గా నెల్సన్‌ సినిమా గురించి చెప్పానా అని అడిగినా అడగొచ్చు.

ఉగాదికి ఇంకో వీడియో రెడీ చేయిస్తున్న చిరంజీవి.. రిలీజ్‌ డేట్‌ చెబుతారా?