Pawan Kalyan: పవన్ కోసం నిర్మాతల ఎదురుచూపులు!

ఓ పక్క రాజకీయాలు, మరోపక్క సినిమాలతో పవన్ కళ్యాణ్ చాలా బిజీగా ఉంటున్నారు. అయితే ఇకపై తన ఫోకస్ మొత్తం రాజకీయాలపైనే పెట్టాలని నిర్ణయించుకున్నారాయన. అందుకే సినిమాలకు లాంగ్ బ్రేక్ తీసుకోవాలనుకుంటున్నారు. ఈ విషయం తన నిర్మాతలకు కూడా చెప్పినట్లు సమాచారం. మైత్రి మూవీ మేకర్స్ లో పవన్ కళ్యాణ్ ఓ సినిమా చేయాల్సివుంది. దీనికోసం పవన్ కళ్యాణ్ కి భారీ అడ్వాన్స్ కూడా ఇచ్చారు. హరీష్ శంకర్ దర్శకత్వంలో సినిమా తెరకెక్కాల్సి ఉంది.

దీనికి ‘భవదీయుడు భగత్ సింగ్’ అనే టైటిల్ కూడా ఫిక్స్ చేశారు. కానీ ఇప్పటివరకు సినిమా పట్టాలెక్కలేదు. ఇప్పుడు సినిమా చేసే పొజిషన్ లో కూడా పవన్ లేరు. ఇదే విషయాన్ని మైత్రి సంస్థకు పవన్ చెప్పేశారట. అంతేకాదు.. అడ్వాన్స్ కూడా తిరిగి ఇస్తానని మాటిచ్చారట. కానీ మైత్రి నిర్మాతలు పవన్ లాంటి హీరోని వదులుకోవడానికి రెడీగా లేరు. దీంతో పవన్ కళ్యాణ్ తో అడ్వాన్స్ ఇవ్వాల్సిన అవసరం లేదు.. ఎప్పటికైనా సినిమా చేయండి చాలు అని చెప్పారట.

ఇదిలా ఉంటే.. పవన్ తిరిగివ్వాల్సిన అడ్వాన్స్ కు కొన్ని ఉన్నాయి. బీవీఎస్ఎన్ ప్రసాద్ దగ్గర పవన్ భారీ మొత్తంలో అడ్వాన్స్ తీసుకున్నారు. దీంతో ఆయన పవన్ కి సూట్ అయ్యే కథ కోసం వెతుకుతున్నారు. అయితే ఇప్పుడు ఈ ప్రాజెక్ట్ కూడా పక్కకు వెళ్లిపోయినట్లే. ఈ అడ్వాన్స్ మాత్రం పవన్ తిరిగి చెల్లించాల్సివుంది.

అయితే ఇవన్నీ పవన్ స్వచ్చందంగా ఇవ్వాల్సిన అడ్వాన్స్ లు. పవన్ పై ఒత్తిడి తీసుకురావాలన్న ఉద్దేశం ఏ నిర్మాతకు లేదు. ఇప్పుడు కాకపోయినా.. ఫ్యూచర్ లో అయినా.. పవన్ తమ బ్యానర్ లో సినిమా చేస్తాడనేది నిర్మాతల ఆలోచన. ఇప్పుడైతే ఆయన తీసుకున్న అడ్వాన్స్ లు వెనక్కి తిరిగివ్వాలనే ఒత్తిడైతే ఆయనపై లేదు.

యశోద సినిమా రివ్యూ& రేటింగ్!
సరోగసి నేపథ్యంలో వచ్చిన సినిమాలు ఏంటంటే..?

‘కె.జి.ఎఫ్’ టు ‘కాంతార’..బాక్సాఫీస్ వద్ద అత్యధిక కలెక్షన్లు రాబట్టిన కన్నడ సినిమాల లిస్ట్..!
నరేష్ మాత్రమే కాదు ఆ హీరోలు కూడా భార్యలు ఉన్నప్పటికీ హీరోయిన్లతో ఎఫైర్లు నడిపారట..!